കണ്ണൂർ പെരിങ്ങോം സി.ആർ.പി.എഫ്. ക്യാമ്പിലെ ഹെഡ് കോൺസ്റ്റബിൾ മരിച്ച നിലയിൽ. എറണാകുളം കോതമംഗലം പുല്ലാരിമംഗലം സ്വദേശി യു.എച്ച്. ഹസൻ (45) ആണ് മരിച്ചത്. ക്യാമ്പിനു സമീപത്തെ ക്വാർട്ടേഴ്സിലാണ് ഇദ്ദേഹത്തെ തൂങ്ങിമരിച്ച നിലയിൽ കണ്ടെത്തിയത്. ശനിയാഴ്ച രാവിലെ 9.45-ന് ക്വാട്ടേഴ്സിലെത്തിയ സഹപ്രവർത്തകരാണ് സംഭവം ആദ്യം കണ്ടത്. ഉടൻ പയ്യന്നൂർ താലൂക്ക് ആശുപത്രിയിലെത്തിച്ചെങ്കിലും ഡോക്ടർമാർ മരണം സ്ഥിരീകരിച്ചു. തുടർനടപടികൾക്കായി മൃതദേഹം കണ്ണൂർ മെഡിക്കൽ കോളേജ് ആശുപത്രിയിലേക്ക് മാറ്റി.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. ദിശ ഹെൽപ്പ് ലൈൻ: 1056, 0471-2552056)