പൊലീസ് ടെലികമ്യൂണിക്കേഷൻ ഇൻസ്‌പെക്ടർ തൂങ്ങി മരിച്ച നിലയിൽ.കൊല്ലം സ്വദേശി ജെയ്സൺ അലക്സ് ആണ് മരിച്ചത്. രാവിലെ ഡ്യൂട്ടി കഴിഞ്ഞ് വീട്ടിലെത്തിയ ശേഷം തൂങ്ങി മരിക്കുകയായിരുന്നു.അധ്യാപികയായ ഭാര്യയും മക്കളും സ്‌കൂളിൽ പോയ സമയത്താണ് ആത്മഹത്യ.

ചെങ്കോട്ടുകോണത്തിന് സമീപം പുതുതായി നിർമ്മിച്ച വീട്ടിലായിരുന്നു ആത്മഹത്യ.മരണ കാരണം വ്യക്തമല്ല. കഴക്കൂട്ടം പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. ഇൻക്വസ്റ്റ് നടപടികൾക്ക് ശേഷം മൃതദേഹം ആശുപത്രിയിലേക്ക് മാറ്റും. പോസ്റ്റ്‌മോർട്ടം അടക്കം പരിശോധനകൾക്ക് ശേഷം ബന്ധുക്കൾക്ക് വിട്ടുകൊടുക്കും.