ഒഎൻവി കൾച്ചറൽ അക്കാദമി ഏർപ്പെടുത്തിയ 2025ലെ സാഹിത്യ പുരസ്‌കാരം. പ്രശസ്ത കവിയും ചിന്തകനുമായ പ്രഭാവർമ്മക്ക്. മൂന്നു ലക്ഷം രൂപയും, ശിൽപ്പവും, പ്രശസ്തി പത്രവുമടങ്ങുന്നതാണ് പുരസ്‌കാരം.സാഹിത്യരംഗത്തെ സമഗ്ര സംഭാവനകൾ പരിഗണിച്ചാണ് പ്രഭാവർമ്മ പുരസ്‌കാരത്തിന് അർഹനായത്.ഡോ. എം ലീലാവതി, ഡോ. ജോർജ് ഓണക്കൂർ, ആലങ്കോട് ലീലാകൃഷ്ണൻ എന്നിവർ ഉൾപ്പെട്ട ജൂറിയാണ് പുരസ്‌കാര ജേതാവിനെ തിരഞ്ഞെടുത്തത്.

ഇന്ത്യയുടെ പരമോന്നത സാഹിത്യ ബഹുമതികളിലൊന്നായ സരസ്വതി പുരസ്‌കാരം ലഭിച്ചതിലൂടെ മലയാള സാഹിത്യത്തെ വീണ്ടും ദേശീയ തലത്തിൽ ശ്രദ്ധേയനാക്കിയ പ്രഭാവർമയുടെ സാഹിത്യരംഗത്തെ സംഭാവനകൾ കണക്കിലെടുത്താണ് പുരസ്‌കാരം നൽകുന്നതെന്ന് ജൂറി വിലയിരുത്തി. ഒഎൻവി ജന്മവാർഷിക ദിനമായ മെയ് 27ന് തിരുവനന്തപുരത്ത് ടാഗോർ തിയേറ്ററിൽ വച്ച് വച്ച് നടക്കുന്ന സാംസ്‌കാരിക സായാഹ്നത്തിൽ പുരസ്‌ക്കാരം സമർപ്പിക്കും.