വടകര വില്യാപ്പള്ളിയിൽ ആർ.ജെ.ഡി നേതാവിന് വെട്ടേറ്റ സംഭവത്തിൽ പ്രതിയെ പോലീസ് പിടികൂടി. വില്യാപ്പള്ളി സ്വദേശി ലാലു എന്ന ശ്യാംലാലിനെയാണ് തൊട്ടിൽപ്പാലം കരിങ്ങാട് പ്രദേശത്ത് വടകര പോലീസ് അറസ്റ്റ് ചെയ്തത്. ബംഗളൂരുവിലേക്ക് രക്ഷപ്പെടാൻ ശ്രമിക്കുന്നതിനിടെയായിരുന്നു പിടിയിലായത്. പ്രതിയെ സംഭവ സ്ഥലത്ത് എത്തിച്ച് പോലീസ് തെളിവെടുപ്പ് നടത്തി. അറസ്റ്റ് രേഖപെടുത്തി കോടതിയിൽ ഹാജരാക്കും.

ആർ. ജെ.ഡി. വില്യാപ്പള്ളി പഞ്ചായത്ത് സെക്രട്ടറി മനക്കൽ താഴെ കുനി എം.ടി. കെ. സുരേഷിനാണ് വില്യാപ്പള്ളിയിൽ വെച്ച്വെട്ടേറ്റത്. തിങ്കളാഴ്ച വൈകിട്ട് 6 മണിയോടെയാണ് സംഭവം. വില്യാപ്പള്ളി കുളത്തൂർ റോഡിൽ വെച്ച് സുഹൃത്തുക്കളുമായി സംസാരിച്ച് നിൽക്കുമ്പോഴാണ് അക്രമമുണ്ടായത്. സുരേഷിനെ അടിച്ച് പരിക്കേൽപ്പിച്ചതിന് ശേഷം വാൾ കൊണ്ട് വെട്ടുകയായിരുന്നു. കൈകൾക്കും ദേഹത്തുമാണ് പരിക്കേറ്റത്.വാൾ കൊണ്ട് വെട്ടുന്നതിനിടെ കൈ കൊണ്ട് തടുത്തതിനാലാണ് ജീവൻ രക്ഷപെട്ടത്. സംഭവത്തിന് ശേഷം പ്രതി സ്ഥലത്ത് നിന്നും ഓടി രക്ഷപ്പെടുകയായിരുന്നു.