പൂജപ്പുര സെന്ട്രല് ജയിലില് സുരക്ഷാ വീഴ്ച; അഞ്ചര ലക്ഷം രൂപയുടെ സാധനങ്ങള് മോഷണം പോയി
പൂജപ്പുര സെന്ട്രല് ജയിലില് ഗുരുതരമായ സുരക്ഷാ വീഴ്ച. സോളാര് പ്ലാന്റിന്റെ ഉപയോഗശൂന്യമായ ബാറ്ററികളിലെ വിലപിടിപ്പുള്ള സാധനങ്ങള് മോഷണം പോയി. അഞ്ചര ലക്ഷം രൂപ വില വരുന്ന സാധനങ്ങളാണ് മോഷണം പോയത്. 300 ബാറ്ററികളില് നിന്നാണ് ഇത്തരത്തില് മോഷണം നടന്നത്.
നാലു വര്ഷത്തിനിടെയാണ് മോഷണം എന്ന് പൂജപ്പുര സെന്ട്രല് ജയില് സൂപ്രണ്ട് പൊലീസില് കൊടുത്ത പരാതിയില് പറയുന്നു. ജയില് വളപ്പിലെ പവര് ലോണ്ട്രി യൂണിറ്റ് കെട്ടിടത്തില് ആണ് മോഷണം നടന്നത്. സൂപ്രണ്ടിന്റെ പരാതിയില് പൂജപ്പുര പൊലീസ് കേസെടുത്തിട്ടുണ്ട്.