മലബാർ മേഖലയിലെ പ്ലസ് വൺ സീറ്റ് ക്ഷാമത്തിന് പരിഹാരമായി സംസ്ഥാന സർക്കാർ 120 താത്കാലിക അധിക ബാച്ചുകൾ അനുവദിച്ച് ഉത്തരവിറക്കി. മലപ്പുറത്ത് 60-ഉം പാലക്കാട് 30-ഉം കോഴിക്കോട് 20-ഉം കാസർകോട് 10-ഉം അധിക ബാച്ചുകളാണ് അനുവദിച്ചിരിക്കുന്നത്.

ഒരു ബാച്ചിൽ 60 വിദ്യാർത്ഥികൾക്ക് വീതം പ്രവേശനം ലഭിക്കുന്ന രീതിയിലാണ് ക്രമീകരണം. പുതിയ ഉത്തരവോടെ നാല് ജില്ലകളിലുമായി ആകെ 7,200 വിദ്യാർത്ഥികൾക്ക് കൂടി അധികമായി പ്ലസ് വൺ പ്രവേശനം നേടാനാകുമെന്ന് പൊതുവിദ്യാഭ്യാസ വകുപ്പ് മന്ത്രിയുടെ ഓഫീസ് വ്യക്തമാക്കി.