പോസ്റ്റുമോർട്ടം റിപ്പോർട്ടിൽ പൊലീസിനെതിരെ ഗുരുതരമായ കണ്ടെത്തലുകൾ ഉണ്ടെന്നാണ് സൂചന. അതേസമയം താമിർ ജിഫ്രിയുടെ മരണത്തിൽ പ്രതിപക്ഷം പ്രക്ഷോഭത്തിന് ഒരുങ്ങുകയാണ്. മരണം സിബിഐ അന്വേഷിക്കണമെന്ന് ആവശ്യപ്പെട്ട് കോൺ​ഗ്രസ് നേതാവ് രമേശ് ചെന്നിത്തല മുഖ്യമന്ത്രിക്ക് കത്ത് നൽകി. സംഭവത്തിൽ ജുഡീഷ്യൽ അന്വേഷണം നടത്തണമെന്ന് കെപിസിസി പ്രസിഡൻറ് കെ സുധാകരനും ആവശ്യപ്പെട്ടിരുന്നു.

സംഭവത്തിനെതിരെ നാളെ യൂത്ത് കോൺ​ഗ്രസ് പ്രവർത്തകർ മലപ്പുറം എസ്പി ഓഫീസിലേക്ക് മാർച്ച് നടത്തും. മാധ്യമങ്ങൾ പുറത്ത് കൊണ്ടു വരുന്ന വിവരങ്ങൾ ഗൗരവകരമെന്ന് മുസ്ലിം ലീഗ് നേതാവ് പികെ കുഞ്ഞാലിക്കുട്ടി പറഞ്ഞു. വിഷയത്തിൽ വിശ​ദമായ അന്വേഷണം വേണമെന്ന് മുസ്ലിം ലീ​ഗും ആവശ്യപ്പെട്ടു.