ആന കുഴഞ്ഞുവീഴുകയായിരുന്നു, പിന്നീട് എഴുന്നേറ്റില്ല ; അധികൃതര്, പോസ്റ്റ്മോർട്ടം ഇന്ന്
മയക്കുവെടി വെച്ച് പിടികൂടി എലിഫന്റ് ആംബുലന്സില് ബന്ദിപ്പൂര് രാമപുരയിലെ ആന ക്യാമ്പിലെത്തിച്ചെങ്കിലും ഉടൻ തന്നെ ആന കുഴഞ്ഞുവീഴുകയായിരുന്നുവെന്ന് അധികൃതര്. എലിഫന്റ് ആംബുലന്സ് രാമപുര ക്യാമ്പിലെത്തി നിര്ത്തിയപ്പോള് തന്നെ തണ്ണീര് കൊമ്പൻ കുഴഞ്ഞുവീഴുകയായിരുന്നുവെന്നും പുറത്തേക്ക് നടത്തി ഇറക്കാനായില്ലെന്നുമാണ് കര്ണാടക വനംവകുപ്പ് അധികൃതര് പറയുന്നത്. പിന്നീട് ആന എഴുന്നേറ്റില്ല. പിന്നീട് അല്പസമയത്തിനകം ചരിഞ്ഞു. പെട്ടെന്നുള്ള മരണകാരണം സംബന്ധിച്ചുള്ള അന്വേഷണമാണിപ്പോള് പുരോഗമിക്കുന്നത്.
ആനയ്ക്ക് ബാഹ്യമായ പരിക്കുകളോ ആരോഗ്യപ്രശ്നങ്ങളോ ശ്രദ്ധയില്പ്പെട്ടിരുന്നില്ലെന്ന് അധികൃതര് പറയുമ്പോഴും 15മണിക്കൂറിലധികം വെള്ളം കിട്ടാതെ കഴിഞ്ഞതിന്റെ അസ്വസ്ഥതകള് ഉള്പ്പെടെയുണ്ടായിരുന്നിരിക്കാമെന്ന അഭിപ്രായങ്ങളും പുറത്തുവരുന്നുണ്ട്. ഉച്ചയോടെയായിരിക്കും ആനയുടെ പോസ്റ്റ് മോര്ട്ടം ആരംഭിക്കുക. ഇതിനുശേഷമായിരിക്കും യഥാര്ത്ഥ മരണ കാരണം വ്യക്തമാകുക. പിടിച്ചുകൊണ്ടുപോയതിന്റെ ആശ്വാസത്തിലിരിക്കുമ്പോഴാണ് മാനന്തവാടിക്കാരെ കണ്ണീരിലാഴ്ത്തി മരണവാര്ത്തയെത്തുന്നത്.