കേരളത്തിൽ പുതിയ ജില്ലകളുടെ രൂപീകരണ സാധ്യതയെക്കുറിച്ച് പറഞ്ഞ് കെ.പി.സി.സി വൈസ് പ്രസിഡന്റ് വി.ടി. ബൽറാം .കേരളത്തിൽ നിലവിൽ അഞ്ച് ജില്ലകൾക്ക് സാധ്യതയുണ്ടെന്നാണ് ബൽറാം ഫേസ്ബുക്കിലെഴുതിയ കുറിപ്പിലൂടെ പറയുന്നത്.വ്യക്തിപരമായ അഭിപ്രായമാണിതെന്നും പാർട്ടിയുടെയോ മുന്നണിയുടേയോ അഭിപ്രായം അല്ലെന്നും ബൽറാം പറയുന്നു. ഇപ്പോഴത്തെ നിലവിലെ തിരുവനന്തപുരം, കൊല്ലം ജില്ലകളെ പുനഃക്രമീകരിച്ച് ഒരു പുതിയ ജില്ല രൂപീകരിക്കാനുള്ള സാധ്യതയുണ്ടെന്നും അദ്ദേഹം അഭിപ്രായപ്പെട്ടു. അതുപോലെ, എറണാകുളം-തൃശൂർ ജില്ലകളുടെ ഭാഗങ്ങൾ ചേർത്ത് മറ്റൊരു ജില്ലയും രൂപീകരിക്കാനാകുമെന്ന് പോസ്റ്റിൽ സൂചിപ്പിക്കുന്നു.മലപ്പുറം, പാലക്കാട്, തൃശൂർ ജില്ലകളുടെ ഭാഗങ്ങൾ ചേർത്ത് രണ്ട് പുതിയ ജില്ലകളുടെ സാധ്യതയെയും ബൽറാം മുന്നോട്ടുവച്ചു. മൂന്ന് ജില്ലകളെ അഞ്ചാക്കാം. കോഴിക്കോട്, കണ്ണൂർ ജില്ലകൾക്കിടയിൽ ഒരു പുതിയ ജില്ല കൂടി ആവാം എന്നുമാണ് അദേഹം ഫേസ്ബുക്കിൽ കുറിച്ചത്.