ഇടുക്കി തൊടുപുഴയിൽ കാട്ടാനയുടെ ചവിട്ടേറ്റ് വീട്ടമ്മ മരിച്ചു. പീരുമേട് തോട്ടപ്പുരയിൽ താമസിക്കുന്ന സീത (50) ആണ് ദാരുണമായി കൊല്ലപ്പെട്ടത്. വെള്ളിയാഴ്ച ഉച്ചയ്ക്ക് രണ്ടുമണിയോടെയാണ് സംഭവം .സീത, വനവിഭവങ്ങൾ ശേഖരിക്കാനായി മീൻമുട്ടി വനത്തിലേക്ക് പോയതായിരുന്നു. അപ്പോൾ അപ്രതീക്ഷിതമായി എത്തിയ കാട്ടാന ആക്രമിക്കുകയായിരുന്നു. സീതയുടെ കൂടെയുണ്ടായിരുന്നവർക്ക് ആനയെ പിന്തിരിപ്പിക്കാനായില്ല. അവരാണ് സീതയുടെ മൃതദേഹം ആശുപത്രിയിലെത്തിച്ചത്

സീതയുടെ മരണത്തെ തുടർന്ന് ഇൻക്വസ്റ്റ് നടപടികൾ ആരംഭിച്ചു.
ഇതിനു മുമ്പും പീരുമേട് മേഖലയിൽ കാട്ടാനയുടെ ആക്രമണങ്ങൾ റിപ്പോർട്ട് ചെയ്തിരുന്നു.പീരുമേട് സ്‌കൂളിനടുത്തും രണ്ടു തവണ ആനയെത്തിയിരുന്നു. ഇതിനെ തുടർന്ന് രാഷ്ട്രീയ പാർട്ടികളും നാട്ടുകാരും പ്രതിഷേധം സംഘടിപ്പിച്ചിരുന്നു.
ആനയുടെ ആക്രമണ സാധ്യതകളും വനത്തിൽ പോകുന്നവർക്കുള്ള സുരക്ഷാ ഭീഷണികളും വീണ്ടും ചർച്ചയാകുമ്പോൾ, കൂടുതൽ ഫലപ്രദമായ തടസനടപടികൾ ആവശ്യമാണ് എന്നതാണ് നാട്ടുകാരുടെ ആവശ്യം