കശുവണ്ടി വികസന കോർപറേഷൻ മുൻ എംഡി കെ.എ.രതീഷിന് എതിരായ ഹർജിയിൽ സംസ്ഥാന സർക്കാരിനെ വിമർശിച്ച് ഹൈക്കോടതി. ഇത്രയും വലിയ അഴിമതിക്കാരനെയാണോ പ്രധാന പോസ്റ്റുകളിൽ നിയമിക്കുന്നതെന്നാണ് കോടതിയുടെ ചോദ്യം. ഖാദി ബോർഡ് സെക്രട്ടറി, റൂട്രോണിക്സ് എം‍ഡി സ്ഥാനങ്ങളിൽ നിന്ന് കെ എ രതീഷിനെ മാറ്റണമെന്ന ഹർജിയിലാണ് വിമർശനം.

കശുവണ്ടി വികസന കോർപ്പറേഷൻ അഴിമതി കേസിൽ വി ഡി സതീശൻ സർക്കാരാണ് കെ എ രതീഷിനെ പ്രോസിക്യൂട്ട് ചെയ്യാൻ അനുമതി നൽകിയത്. അതേ സർക്കാർ തന്നെ ഖാദി ബോർഡ് സെക്രട്ടറി, റൂട്രോണിക്സ് എംഡി സ്ഥാനങ്ങളിൽ കെ എ രതീഷിനെ നിയമിച്ചു. ഇതിനെതിരെയാണ് പൊതുപ്രവർത്തകൻ കെ എം ഷാജഹാൻ ഹൈകോടതിയെ സമീപിച്ചത്. സ്ഥാനം വഹിക്കാൻ ഉദ്യോഗസ്ഥൻ യോഗ്യനല്ലെന്നാണ് ഹ‍ർജിക്കാരൻറെ വാദം.ഇത്രയും വലിയ അഴിമതിക്കാരനെ ഈ പദവികളിൽ ഇരുത്തുന്നത് എങ്ങനെ എന്നായിരുന്നു സർക്കാറിനോടുള്ള കോടതിയുടെ ചോദ്യം. അഴിമതി നടത്താൻ നല്ല സാധ്യതയുള്ള പദവികളാണല്ലോ എന്നുംകോടതി പരിഹസിച്ചു. ഗൗരവകരമായ ആരോപണങ്ങളാണ് രതീഷിനെതിരെയെന്ന് പറഞ്ഞ കോടതി ഈ നിയമനം എങ്ങനെ സാധ്യമായെന്നും ചോദിച്ചു. കേസിൽ നാലാഴ്ചയ്ക്കം മറുപടി നൽകാൻ സർക്കാറിനോട് കോടതി ആവശ്യപ്പെടടിട്ടുണ്ട്.