എസ്പി എസ് ശശിധരന് രാഷ്ട്രപതിയുടെ വിശിഷ്ട സേവനത്തിനുള്ള പുരസ്കാരം
ശബരിമലയിലെ സ്വര്ണക്കൊള്ള കേസിലെഅന്വേഷണ ഉദ്യോഗസ്ഥനായ എസ്പി എസ് ശശിധരന് രാഷ്ട്രപതിയുടെ വിശിഷ്ട സേവനത്തിനുള്ള പുരസ്കാരം. സ്വാതന്ത്ര്യദിനാഘോഷങ്ങളുടെ ഭാഗമായി രാഷ്ട്രപതിയുടെ സേന പുരസ്കാരങ്ങള് പ്രഖ്യാപിച്ചപ്പോള് കേരളത്തില് നിന്ന് 11 പേര്ക്കാണ് പുരസ്കാരം ലഭിച്ചത്.
രാജ്യവ്യാപകമായി 1557 പേരാണ് പുരസ്കാരത്തിന് അര്ഹരായത്. പൊലീസിലെയും അഗ്നിരക്ഷാ വിഭാഗത്തിലെയും ഹോം ഗാര്ഡ്, സിവില് ഡിഫന്സ്, ജയില് വകുപ്പ് ഉദ്യോഗസ്ഥര്ക്കാണ് ഗാലണ്ടറി സര്വീസ് മെഡലുകള് നിലവില് പ്രഖ്യാപിച്ചിരിക്കുന്നത്.
കേരളത്തില് ശബരിമല സ്വര്ണക്കൊള്ള കേസ് ഉള്പ്പെടെ പ്രമാദമായ കേസുകള് അന്വേഷിച്ച എസ് പി എസ് ശശിധരന് വിശിഷ്ട സേവനത്തിനുള്ള പുരസ്കാരമാണ് ലഭിച്ചത്. ഈ വര്ഷം കേരളത്തില് നിന്ന് വിശിഷ്ട സേവനത്തിനുള്ള രാഷ്ട്രപതിയുടെ മെഡല് ലഭിച്ച ഏക ഉദ്യോഗസ്ഥനാണ് ശശിധരന്. നിലവില് ശബരിമല സ്വര്ണ്ണക്കൊള്ള കേസിലെ എസ്ഐടി അംഗമാണ്. എസ്പി എസ് ശശിധരന്. സ്വര്ക്കൊള്ള, നരബലി, തുടങ്ങി സുപ്രധാന കേസുകളിലെ അന്വേഷണത്തിനാണ് രാഷ്ട്രപതിയുടെ പൊലീസ് മെഡല് ലഭിച്ചത്.
ഐജി രാജ്പാല് മീണ, എസ്പി ബിനു ആര് പിള്ള, ഡിവൈഎസ്പി വി ആര് രവികുമാര്, ഡിവൈഎസ്പി ഉജ്ജ്വല് കുമാര്, എസ്ഐ ജോ്യതിഷ് കുമാര്, ഡിവൈഎസ്പി സുരേഷ് ബാബു എന്നിവര് മെറിറ്റോറിയസ് സര്വീസ് മെഡലിനും അര്ഹരായി.അഗ്നി ശമന വിഭാഗത്തില് നിന്ന് എഎസ്ഐമാരായ രാജേന്ദ്ര നായര് ജെ, സെബാസ്റ്റിയന് ജോസഫ് എന്നിവര്ക്കും പുരസ്കാരമുണ്ട്. ജയില് വകുപ്പില് നിന്ന് എഎസ്പി സുനില് എസ് കുമാര്, പ്രിസന് ഓഫീസര് മോഹന് ദാസ് എംകെ എന്നിവര്ക്കും മെറിറ്റോറിയസ് പുരസ്കാരമുണ്ട്.