വെളുത്ത ഷർട്ടുകൾ, ടീ ഷർട്ടുകൾ, മറ്റ് വസ്ത്രങ്ങൾ എന്നിവ പതിവായ ഉപയോഗത്തിലൂടെ മഞ്ഞ നിറമായി മാറുന്നത് ശ്രദ്ധയിൽപെട്ടിട്ടില്ലേ? എല്ലാ വെളുത്ത തുണികളും ദീർഘകാലത്തേക്ക് പുതിയത് പോലെ കാണുന്നത് എത്രത്തോളം ബുദ്ധിമുട്ടാണെന്ന് നിങ്ങൾക്കറിയാം. അഴുക്ക് നീക്കം ചെയ്യൽ പ്രക്രിയകളും തുണിയുടെ യഥാർത്ഥ തിളക്കം തിരികെ കൊണ്ടുവരുന്നതിനുള്ള മറ്റ് അലക്ക് മാർഗങ്ങളും നിങ്ങളുടെ ധാരാളം സമയം കളയും - ശരിയല്ലേ? പക്ഷെ, നിങ്ങൾ ഒറ്റയ്ക്കല്ല. ആഗോളതലത്തിൽ ദശലക്ഷക്കണക്കിന് സ്ത്രീകൾ അവരുടെ വെള്ള വസ്ത്രങ്ങൾ വൃത്തിയായും തിളക്കത്തോടെയും സൂക്ഷിക്കാൻ എപ്പോഴും ശ്രദ്ധിക്കുന്നു. എന്നാൽ ഇനി പറയുന്ന നുറുങ്ങ് വിദ്യകൾ ഉപയോഗിച്ച് വെള്ള വസ്ത്രങ്ങളുടെ ഭംഗി ദീർഘകാലത്തേക്ക് നിലനിർത്താം.

1. നിങ്ങളുടെ വസ്ത്രങ്ങൾ വേർതിരിക്കുക

നിങ്ങളുടെ നിറമുള്ള വസ്ത്രങ്ങൾ വെള്ള വസ്ത്രങ്ങളിൽ നിന്ന് വേർതിരിക്കുക. ഇളം നിറമുള്ള വസ്ത്രങ്ങൾ വേർതിരിച്ച് വയ്ക്കേണ്ടത് അത്യാവശ്യമാണ്. കാരണം, ഇത് വെളുത്ത തുണികളോടൊപ്പം ചേർത്ത് അലക്കുമ്പോൾ, ഇത് നിറമുള്ള തുണിത്തരങ്ങളിലെ നിറങ്ങൾ ഇളകി വന്ന് നിങ്ങളുടെ വെളുത്ത തുണികളിൽ പറ്റിപ്പിടിക്കുവാൻ കാരണമായേക്കും. അതുവഴി, അവ വിളറിയതും പഴയതുമായി കാണപ്പെടുന്നു. വെളുത്ത വസ്ത്രങ്ങൾ കഴുകുമ്പോൾ ശ്രദ്ധിക്കേണ്ട പ്രധാന കാര്യങ്ങളിൽ ഒന്നാണിത്. വെള്ള വസ്ത്രങ്ങൾ മാത്രം ഒന്നിച്ച് കഴുകുന്ന രീതി അവലംബിക്കാം.
 

2. കുറവ് ഡിറ്റർജന്റ്, കൂടുതൽ തിളക്കം

വെളുത്ത തുണിത്തരങ്ങൾക്ക് നല്ല വെളുത്ത നിറം ലഭിക്കുന്നതിന് ഡിറ്റർജന്റ് കൂടുതൽ അളവിൽ ആവശ്യമാണെന്നത് തെറ്റായ ധാരണയാണ്. പകരം, അമിതമായ സോപ്പ് ഉപയോഗിക്കുന്നത് പലപ്പോഴും നിങ്ങളുടെ വെളുത്ത വസ്ത്രങ്ങൾ മങ്ങിയതും തിളക്കമില്ലാത്തതുമായി കാണപ്പെടുവാൻ കാരണമാകുന്നു. ഈ സാഹചര്യത്തിൽ വെളുത്ത വസ്ത്രങ്ങൾ എങ്ങനെ കഴുകണം എന്നതിനെക്കുറിച്ച് ആശയക്കുഴപ്പമുണ്ടോ? കുറവ് ഡിറ്റർജന്റ് ഉപയോഗിച്ച് കഴുകിയതിന് ശേഷം, നിങ്ങളുടെ വസ്ത്രങ്ങൾ വെള്ളത്തിൽ പലതവണ കഴുകുന്നത് പരിഗണിക്കുക - നിങ്ങൾക്ക് നിരാശപ്പെടേണ്ടി വരികയില്ല.


3. കോട്ടൺ വസ്ത്രം ബ്ലീച്ച് ചെയ്യുക, നാരങ്ങ ഫലപ്രദം

ബ്ലീച്ചിംഗ് തികച്ചും വെള്ള നിറത്തിലുള്ള കോട്ടൺ വസ്ത്രങ്ങളിൽ മാത്രമേ ഫലപ്രദമായി പ്രവർത്തിക്കൂ. മാത്രമല്ല നിങ്ങളുടെ വെളുത്ത വസ്ത്രത്തിൽ നിന്ന് കറ എങ്ങനെ നീക്കംചെയ്യാമെന്നതിനുള്ള മികച്ച ഉത്തരവുമാണ് ഇത്. അര കപ്പ് നാരങ്ങ നീര് (അല്ലെങ്കിൽ വെളുത്ത വിനാഗിരി) ചൂടുവെള്ളത്തിൽ കലർത്തി നിങ്ങളുടെ വെളുത്ത തുണിത്തരങ്ങൾ അഞ്ച് മുതൽ ആറ് മണിക്കൂർ വരെ മുക്കിവയ്ക്കുക. വസ്ത്രങ്ങൾ‌ വളരെ ചെളിപുരണ്ടത് അല്ലെങ്കിൽ സമയപരിധി ഒരു മണിക്കൂറാക്കി കുറയ്‌ക്കാൻ‌ നിങ്ങൾ‌ക്ക് കഴിയുന്നതാണ്. ഒരിക്കൽ ചെയ്തുകഴിഞ്ഞാൽ, ഡിറ്റർജന്റ് ഉപയോഗിച്ച് വെറുതെ കഴുകുക. നിങ്ങളുടെ വെളുത്ത തുണിത്തരങ്ങൾ പുതിയത് പോലുള്ള ഭംഗിയിൽ തിളങ്ങുന്നത് കാണാം.

4. വസ്ത്രം കഴുകുന്നതിന് ഹാർഡ് വാട്ടർ വേണ്ട

കാഠിന്യമേറിയ വെള്ളം (hard water) നിങ്ങളുടെ വെളുത്ത വസ്ത്രങ്ങൾ വേഗത്തിൽ നിറം മങ്ങാൻ കാരണമാകുന്നു. നിങ്ങളുടെ വസ്ത്രങ്ങളിൽ അടിഞ്ഞുകൂടിയ അഴുക്കും കറയും നീക്കംചെയ്യാൻ സഹായിക്കുന്ന വെള്ളത്തിന്റെ കാഠിന്യം കുറയ്ക്കുന്ന വസ്തുവാണ് ബോറാക്സ്. നിങ്ങളുടെ പൈപ്പുകളിലൂടെയും വാഷിംഗ് മെഷീനുകളിലൂടെയും കാഠിന്യമേറിയ വെള്ളം ഒഴുകുന്നുണ്ടെങ്കിൽ, വെള്ളം മയപ്പെടുത്തുന്നതിനുള്ള ആവശ്യങ്ങൾക്കായി ശുപാർശ ചെയ്യുന്ന അളവിലുള്ള ബോറാക്സ് ഉപയോഗിക്കുന്നത് പരിഗണിക്കുക. അതിനുശേഷം, നിങ്ങളുടെ അലക്ക് ആവശ്യങ്ങൾക്കായി സംസ്കരിച്ച വെള്ളം ഉപയോഗിക്കുക, അതിന്റെ മാന്ത്രിക പ്രവർത്തനം കാണുക. നിങ്ങളുടെ വെളുത്ത വസ്ത്രങ്ങൾ മിഴിവുറ്റതാക്കുവാനുള്ള എളുപ്പ വഴികളിൽ ഒന്നാണിത്.


5. സമയബന്ധിതമായ കറകൾ നീക്കം ചെയ്യുക

നിങ്ങളുടെ വെളുത്ത വസ്ത്രങ്ങളിൽ നിന്ന് കടുപ്പമുള്ള കറ നീക്കം ചെയ്യാനുള്ള വഴികളെക്കുറിച്ച് ഇപ്പോഴും ചിന്തിക്കുന്നുണ്ടോ? നിങ്ങൾക്ക് തന്നെ സ്വയം ചെയ്യാവുന്ന വഴിയിലൂടെ, ഹൈഡ്രജൻ പെറോക്സൈഡിൽ നിന്നുള്ള ഫലപ്രദമായ കറ നീക്കം ചെയ്യുന്ന പദാർത്ഥം തയ്യാറാക്കുക. നിങ്ങളുടെ പതിവ് ഡിറ്റർജന്റും ഹൈഡ്രജൻ പെറോക്സൈഡും ഒന്നിന് രണ്ട് എന്ന അനുപാതത്തിൽ കലർത്തുക. സുരക്ഷിതമായി ഉപയോഗിക്കാവുന്ന ഈ മിശ്രിതം കറയിൽ പുരട്ടി നന്നായി ഉരച്ച് കഴുകുക. നിങ്ങൾക്ക് ഹൈഡ്രജൻ പെറോക്സൈഡിനൊപ്പം ബേക്കിംഗ് സോഡയും വെള്ളവും ഉപയോഗിക്കാവുന്നതാണ്.

വെള്ള വസ്ത്രങ്ങൾ വൃത്തിയായി സൂക്ഷിക്കാനുള്ള ഈ കുറുക്കു വഴികൾ നിങ്ങൾക്കും പരീക്ഷിച്ച് നോക്കാം. നിങ്ങളുടെ ദൈനംദിന അലക്ക് രീതികളിൽ ചെറിയ മാറ്റങ്ങൾ വരുത്തി കൊണ്ട് ഒരിക്കൽ തിളക്കമുണ്ടായിരുന്ന തുണിയുടെ വെളുത്ത രൂപം വീണ്ടെടുക്കുകയും ചെയ്യാം. തീർച്ചയായും വസ്ത്രത്തിന്റെ ഭംഗി നിങ്ങൾ ഇഷ്ടപ്പെടും!