ചൂടുകാലത്ത്  ഏറ്റവും സുലഭമായി ലഭിക്കുന്നതും എല്ലാവർക്കും ഇഷ്ടപ്പെട്ടതുമായ തണ്ണിമത്തൻ. തണ്ണിമത്തൻ കൊണ്ട് വളരെ രുചികരമായ കേരളാ ശൈലിയിലുള്ള സാലഡുണ്ടാക്കി ഊണിനു മുൻപു കഴിക്കാം. ശരീരത്തെ തണുപ്പിക്കാം

ചേരുവകൾ

തണ്ണിമത്തൻ – അര കിലോ

തക്കാളി – 4 എണ്ണം രണ്ടായി മുറിച്ചത്

തേങ്ങാപ്പീര – രണ്ട് ടേബിൾ സ്പൂൺ

തേങ്ങാക്കൊത്ത് – 5 എണ്ണം

കല്ലുപ്പ് – ആവശ്യത്തിന്

കുരുമുളകു ചതച്ചത് – ആവശ്യത്തിന്

മല്ലിയില – അൽപം

തയാറാക്കുന്ന വിധം

തണ്ണിമത്തൻ ചെറിയ ക്യൂബുകളായി മുറിക്കുക. തക്കാളിയും ചെറിയ ഉള്ളിയും തേങ്ങാക്കൊത്തുമിട്ട്, കല്ലുപ്പും കുരുമുളകു പൊടിയും ചേർത്ത് നാരങ്ങാനീര് പിഴിഞ്ഞൊഴിച്ചാൽ രുചികരമായ സാലഡുണ്ടാക്കാം.