അൽപം വെറൈറ്റിയിൽ നമുക്ക് തേങ്ങാപ്പാൽ ചേർത്ത ബീഫ് കറി തയാറാക്കാം.

ചേരുവകൾ
ബീഫ് - 1 കിലോ
സവാള - 2 എണ്ണം
തക്കാളി - 1 എണ്ണം
ചെറിയ ഉള്ളി - ഒരു പിടി
പച്ചമുളക് - 3 എണ്ണം
ഇഞ്ചി - ഒന്നര സ്പൂൺ
വെളുത്തുള്ളി - ഒന്നര സ്പൂൺ
മുളകുപൊടി - ഒന്നര സ്പൂൺ
മല്ലിപ്പൊടി - ഒരു സ്പൂൺ
മഞ്ഞൾപൊടി - കാൽ സ്പൂൺ
തേങ്ങ ചിരവിയത് -3 സ്പൂൺ
തേങ്ങാപ്പാൽ- ഒരു കപ്പ്
തേങ്ങാക്കൊത്ത് - 3 സ്പൂൺ
ബീഫ് മസാല -1 സ്പൂൺ
കുരുമുളക്പൊടി - അര സ്പൂൺ
ഏലയ്ക്ക - 2 എണ്ണം
പെരുംജീരകം - അര സ്പൂൺ
കറുവപ്പട്ട - ഒരു കഷ്ണം
ഉപ്പ് - പാകത്തിന്
വെളിച്ചെണ്ണ - പാകത്തിന്

തയാറാക്കുന്ന വിധം
ആദ്യമായ ബീഫ് നല്ലതുപോലെ വേവിച്ചെടുക്കണം. അതിനായി കുക്കറിൽ ബീഫ്, സവാള അരിഞ്ഞത്, ഇഞ്ചി വെളുത്തുള്ളി പച്ചമുളക് എന്നിവയുടെയും പകുതിയും അൽപം മുളകുപൊടി, മല്ലിപ്പൊടി, മഞ്ഞൾപൊടി ഉപ്പ് എന്നിവ കൂട്ടി മിക്സ് ചെയ്ത് നല്ലതുപോലെ വേവിച്ചെടുക്കണം. അതിന് ശേഷം അൽപം തേങ്ങ ചിരവിയതിലേക്ക് കറുവപ്പട്ട, പെരുംജീരകം, ഏലക്ക എന്നിവ ചേർത്ത് പേസ്റ്റ് രൂപത്തിൽ അരച്ചെടുക്കാം.

പിന്നീട് ഒരു ചട്ടിയിൽ അൽപം എണ്ണ ചൂടാക്കി തേങ്ങക്കൊത്ത് മൂപ്പിച്ചെടുക്കണം. അതിലേക്ക് സവാള, ചെറിയ ഉള്ളി, ബാക്കിയുള്ള ഇഞ്ചി വെളുത്തുള്ളി, എന്നിവ വഴറ്റി ഒന്ന് വാടി വരുമ്പോൾ തക്കാളി ഇട്ടു വേവിച്ചെടുക്കണം. അതിന് ശേഷം ഇതിലേക്ക് മസാല പുരട്ടി വേവിച്ച് വെച്ചിരിക്കുന്ന ബീഫ് ചേർത്തു ഇളക്കി,വെള്ളം ഉണ്ടെങ്കിൽ നല്ലതുപോലെ വറ്റിച്ചു എടുത്ത് കുരുമുളകുപൊടിയും മസാലപൊടിയും തേങ്ങ അരച്ചതും തേങ്ങാപാലും ചേർത്തു ഇളക്കി നല്ലതുപോലെ കുറുകി വന്നാൽ വാങ്ങി വെക്കാം. നല്ല കിടിലൻ ബീഫ് തേങ്ങാപ്പാലിൽ വറ്റിച്ചെടുത്തത് തയാർ.