കോളിഫ്ളവർ ചേർത്ത ചിക്കൻ കറിയോ?; ഒന്ന് പരീക്ഷിച്ചാലോ

നാൻ, ചപ്പാത്തി എന്നിവയ്ക്കൊപ്പം ചൂടോടെ വിളമ്പാം.
ചേരുവകൾ
ചിക്കൻ ബ്രെസ്റ്റ്-3
സവാള (അരിഞ്ഞത്)-1
തക്കാളി (അരിഞ്ഞത്)-200 ഗ്രാം
തേങ്ങാപ്പാൽ-200 മില്ലി
കോളിഫ്ളവർ (ഇടത്തരം വലിപ്പം അരിഞ്ഞത്)-1
വലിയ പച്ചമുളക് (അരിഞ്ഞത്)-1
ഇഞ്ചി -1 കഷ്ണം
വെളുത്തുള്ളി -രണ്ട് അല്ലി
ചുവന്ന മുളക് പൊടി-1/4 ടീസ്പൂൺ
മഞ്ഞൾ പൊടി-1/2 ടീസ്പൂൺ
ഗരം മസാല പൊടി-1 ടീസ്പൂൺ
ബ്രൗൺ ഷുഗർ-1 ടീസ്പൂൺ
ഉപ്പ് -ആവശ്യത്തിന്
കുരുമുളക് പൊടി -പാകത്തിന്
ഓയിൽ-1 ടീസ്പൂൺ
തയാറേക്കേണ്ട രീതി
ഒരു പാനിൽ ഇടത്തരം തീയിൽ എണ്ണ ചൂടാക്കണം. ഇതിലേയ്ക്ക് ഇഞ്ചി, വെളുത്തുള്ളി പേസ്റ്റ് ചേർത്ത് മാറിനേറ്റ് ചെയ്ത ചിക്കൻ കഷ്ണങ്ങൾ ഇട്ട് ബ്രൗൺ നിറമാകുന്നതുവരെ വറുക്കുക. എന്നിട്ട് മാറ്റിവെയ്ക്കുക. അതേ എണ്ണയിൽ സവാള നന്നായി വഴറ്റുക.
വെളുത്തുള്ളി, പച്ചമുളക്, ഇഞ്ചി എന്നിവ ചേർത്ത് നന്നായി ഇളക്കിക്കൊടുക്കാം. മുളക് പൊടി, ഗരം മസാല, മഞ്ഞൾ, പഞ്ചസാര എന്നിവ ഇതിലേയ്ക്ക് ചേർക്കുക. നന്നായി വഴറ്റിശേഷം തക്കാളിയിട്ട് ഇളക്കിക്കൊടുക്കാം. ഇതിലേയ്ക്ക് തേങ്ങാപ്പാലും ചേർക്കണം.
ശേഷം കോളിഫ്ളവർ, ചിക്കൻ എന്നിവ ചേർത്തുകൊടുക്കാം. ഉപ്പും ചേർത്തു നന്നായി ഇളക്കി യോജിപ്പിക്കണം. കുരുമുളക് പൊടി ചേർത്തെടുത്താം.
ഗ്രേവി കട്ടിയുള്ളതാണെങ്കിൽ കുറച്ച് ചൂടുവെള്ളം ചേർക്കാം.