പലപ്പോഴും വീട്ടിൽ ചിക്കൻഫ്രൈ ഉണ്ടാക്കുമ്പോൾ പെട്ടന്ന് കരിയുകയും എണ്ണ പൊട്ടിത്തെറിക്കുകയും ചെയ്യാറുണ്ട്. എന്നാൽ അതിനൊരു പരിഹാരമാണ് ചുവടെ.

ചിക്കൻ വറുക്കാനുള്ള എണ്ണയിൽ അൽപം ഉപ്പ് ചേർത്താൽ എണ്ണ പൊട്ടിത്തെറിക്കില്ല. നല്ല കിടിലൻ രുചിയിൽ ചിക്കൻ ഫ്രൈ തയ്യാറാക്കുന്നത് എങ്ങനെയെന്ന് നോക്കാം.

ചേരുവകൾ
മുളകുപൊടി-1 1/2 ടീസ്പൂൺ
മഞ്ഞൾപ്പൊടി-1/2 ടീസ്പൂൺ
പെരുംജീരകപ്പൊടി- 3/4 ടീസ്പൂൺ
ചിക്കൻ മസാല -1 ടീസ്പൂൺ
ഉപ്പ് - ആവശ്യത്തിന്
ഇഞ്ചി വെളുത്തുള്ളി ചതച്ചത് -1 ടേബിൾ സ്പൂൺ
വിനാഗിരി - 1 ടേബിൾസ്പൂൺ
ചെറിയ ഉള്ളി - 6
പച്ചമുളക് -2
വെളിച്ചെണ്ണ - ആവശ്യത്തിന്

തയാറാക്കുന്ന വിധം
ചെറിയ ഉള്ളി, പച്ചമുളക്, വിനാഗിരി, നാല് അല്ലി വെളുത്തുള്ളി, ഒരു ചെറിയ കഷണം ഇഞ്ചി, ഒന്നര ടേബിൾസ്പൂൺ മുളകുപൊടി, അര ടീസ്പൂൺ ചിക്കൻ മസാല, അര ടീസ്പൂൺ മഞ്ഞൾപ്പൊടി, മുക്കാൽ ടീസ്പൂൺ പെരുംജീരകപ്പൊടി എല്ലാം പേസ്റ്റാക്കി എടുക്കുക.

കഴുകി വൃത്തിയാക്കി വെച്ച ചിക്കനിലേക്ക് ഈ മസാല കൂട്ട് നല്ലവണ്ണം തേച്ച് പിടിപ്പിക്കുക. അരമണിക്കൂർ എങ്കിലും ഇത് മാറ്റി വയ്ക്കുക. 
പാനിൽ ചിക്കൻ മുങ്ങി നിൽക്കുന്ന രീതിയിലുള്ള വെളിച്ചെണ്ണ ഒഴിച്ചു കൊടുക്കുക. വെളിച്ചെണ്ണ നന്നായി ചൂടായി വരുമ്പോൾ ഒരുനുള്ള് ഉപ്പ് ഇടുക.

അതിലേക്ക് മാരിനേറ്റ് ചെയ്ത് മാറ്റിവെച്ച ചിക്കൻ പീസ് ഇട്ട് നല്ലവണ്ണം വറുത്തെടുക്കാം. ചെറിയ തീയിൽ ചിക്കൻ വറുത്തു കോരുക