മേക്കപ്പിട്ടാലും മുഖസൗന്ദര്യത്തിന് പൂർണത വരണമെങ്കിൽ പലർക്കും പൊട്ട് തൊടണം. രണ്ട് പുരികങ്ങൾക്കിടയിൽ പൊട്ട് വയ്ക്കുന്നത് വെറുതെ ഒരു ഭം​ഗിക്കാണ് എന്ന് പലരും വിചാരിക്കാറുണ്ടെങ്കിൽ അത് ഒരു തെറ്റായ ധാരണയാണ്. കാരണം പൊട്ട് വയ്ക്കുന്നത് ആരോ​​ഗ്യത്തിനും ചില ​ഗുണങ്ങൾ നൽകാറുണ്ടെന്നതാണ് യാഥാർത്ഥ്യം. കേൾക്കുമ്പോൾ കൗതുകം തോന്നുമെങ്കിലും സംഭവം സത്യമാണ്. യോ​ഗയുമായി ബന്ധപ്പെട്ടാണ് ഇത്തരമൊരു വസ്തുത നിലനിൽക്കുന്നത്. ആയുർവേദ ഡോ. ഡിക്സ ആണ് ഇത് സംബന്ധിച്ച ഒരു വീഡിയോ പുറത്ത് ഇറക്കിയിരിക്കുന്നത്.

​ആജ്ഞ ചക്ര

യോഗ പ്രകാരം ഏഴ് ചക്രങ്ങളിൽ ഒന്നാണ് ആജ്ഞ ചക്ര എന്ന് പറയപ്പെടുന്ന മൂന്നാം നേത്ര ചക്രം. തലയുടെ മധ്യഭാഗത്തായി പുരികങ്ങൾക്കിടയിലാണ് ഈ ആജ്ഞ ചക്ര സ്ഥിതി ചെയ്യുന്നത്. സ്ത്രീകൾ പൊട്ട് അഥവ ബിന്ദി വയ്ക്കുന്ന സ്ഥലമാണിത്. ആജ്ഞ ചക്രത്തെ ഉണർത്തുമ്പോൾ അത് ബോധം വർധിപ്പിക്കുകയും ഉയർന്ന തലങ്ങളിലേക്ക് സന്ദർശിക്കുകയും ചെയ്യുന്നു. ആത്മീയമായ ഒരു പരിശീലനമാണിത്.

പൊട്ട് കുത്തുന്നത്

മേക്കപ്പ് എല്ലാം കഴിഞ്ഞ് ഏറ്റവും അവസാനമാണ് സ്ത്രീകളും പെൺകുട്ടികളും പൊതുവെ പൊട്ട് കുത്തുന്നത്. ഭംഗി കൂട്ടാനാണിത്. പൊട്ട് കുത്തിയ ശേഷം ഒന്ന് ഉറപ്പിക്കുന്ന പതിവ് പലർക്കുമുണ്ട്. വിരളുകൾ കൊണ്ട് പൊട്ട് കുത്തി ഉറപ്പിക്കുകയാണ് ചെയ്യുന്നത്. ചുരുക്കത്തിൽ പറഞ്ഞാൽ സ്ത്രീകൾ പൊട്ട് വച്ച ശേഷം അമർത്തുന്നതാണ് കൃത്യമായ പോയിൻ്റാണെന്ന് തന്നെ പറയാം. ദിവസത്തിൽ പല തവണ ഈ പോയിന്റ് അമർത്തുന്നത് നിരവധി ആരോഗ്യ ഗുണങ്ങൾ നൽകും.

ഡോക്ടറുടെ ഉപദേശം നോക്കാം

ഇതിലൂടെ ലഭിക്കുന്ന ആരോ​ഗ്യ ​ഗുണങ്ങൾ

പൊട്ട് വയ്ക്കുന്ന പെൺകുട്ടികൾക്ക് മാത്രമല്ല, പുരുഷന്മാർക്കും ഈ ആരോ​ഗ്യ ​ഗുണങ്ങൾ നേടിയെടുക്കാം. ദിവസവും ഈ പോയിൻ്റിൽ അമർത്തുന്നത് സ്ത്രീകളെ പോലെ പുരുഷന്മാർക്കും വളരെയധികം ​ഗുണങ്ങൾ നൽകുന്നു. ഈ പോയിൻ്റിൽ ശരിയായ രീതിയിൽ അമർത്തുന്നതിലൂടെ കിട്ടുന്ന ആരോ​ഗ്യ ​ഗുണങ്ങൾ താഴെ പറയുന്നവയാണ്.

• തലവേദന മാറ്റുന്നു
• സൈനസിൻ്റെ പ്രശ്നങ്ങൾ കുറയ്ക്കുന്നു
• കണ്ണിൻ്റെ കാഴ്ച ശക്തി വർധിപ്പിക്കുന്നു
• യുവത്വം നിലനിർത്തുന്നു
• ഡിപ്രഷൻ ഇല്ലാതാക്കുന്നു
• കേൾവി ശക്തി കൂട്ടുന്നു
• ഓർമ ശക്തിയും ഏകാ​ഗ്രയും വർധിപ്പിക്കുന്നു
• മാനസിക സമ്മർദ്ദവും മൈ​ഗ്രേൻ തലവേ​ദനയും മാറ്റുന്നു
• അവബോധം മെച്ചപ്പെടുത്തുന്നു

പുരുഷന്മാർക്ക് ലഭിക്കുന്ന പ്രയോജനങ്ങൾ

ആണുങ്ങൾ പൊതുവെ പൊട്ട് കുത്താറില്ലെങ്കിലും കുറി ഇടുന്നവർ അത്ര കുറവല്ല എന്ന് തന്നെ പറയാം. പൊട്ട് വയ്ക്കുന്ന അതേ ഭാഗത്താണ് ഇവർ പൊട്ട് കുത്തുന്നത്. മൂന്നാം കണ്ണിലെ ബിന്ദുവിൽ കുങ്കുമ തിലകം വയ്ക്കുന്നതിലൂടെയോ ബിന്ദു അമർത്തുന്നതിലൂടെയോ പുരുഷന്മാർക്കും സമാനമായ നേട്ടങ്ങൾ ലഭിക്കും. ഈ പോയിന്റ് ഒരു ദിവസം 100 തവണ അമർത്തുന്നത് വലിയ നേട്ടങ്ങൾ ലഭിക്കാൻ ഏറെ സഹായിക്കുന്നതാണ്.