കിടിലൻ മത്തി പീര; എങ്ങനെ ഉണ്ടാക്കാമെന്ന് നോക്കാം.

  1. Home
  2. Lifestyle

കിടിലൻ മത്തി പീര; എങ്ങനെ ഉണ്ടാക്കാമെന്ന് നോക്കാം.

PEERA


മത്തി വിഭവങ്ങൾ എന്നും മലയാളികൾക്ക് ഏറെ പ്രിയമാണ്. ഉച്ചയ്ക്ക് ഊണിനൊപ്പം നല്ല മത്തി പീര ആയാലോ? വളരെ എളുപ്പത്തിൽ എങ്ങനെ മത്തി പീര ഉണ്ടാക്കാമെന്ന് നോക്കാം.

ആവശ്യ സാധനങ്ങൾ:

മത്തി – 1 കിലോ
ചെറിയ ഉള്ളി – മുക്കാല്‍ കപ്പ്
വെളുത്തുള്ളി – 10 അല്ലി
പച്ചമുളക് – 6 എണ്ണം
കറിവേപ്പില – 2 തണ്ട്
കുടംപുളി – 3 അല്ലി
തേങ്ങ ചിരകിയത് – രണ്ടു കപ്പ്
ഇഞ്ചി – ചെറുതായി അരിഞ്ഞത് ഒരു ടീസ്പൂണ്‍
മഞ്ഞള്‍ പൊടി – 1/2 ടീസ്പൂണ്‍
വെളിച്ചെണ്ണ – ആവശ്യത്തിന്
കടുക് – ആവശ്യത്തിന്
ഉപ്പ് – ആവശ്യത്തിന്

ഉണ്ടാക്കുന്ന വിധം:

ഒരു ചീന ചട്ടിയിൽ വെളിച്ചെണ്ണ ചൂടാക്കി കടുക് പൊടിച്ചെടുക്കുക. അതിന് ശേഷം അതിലേക്ക് ഇഞ്ചി, വെളുത്തുള്ളി, ചെറിയ ഉള്ളി കറിവേപ്പില എന്നിവ ചേർത്ത് വഴറ്റുക. ചെറിയ ബ്രൗണ്‍ നിറമാകുമ്പോള്‍ ഇതിലേക്ക് ചിരകിയ തേങ്ങ ചേര്‍ത്ത് നന്നായി ഇളക്കുക. ശേഷം അതിലേക്ക് മഞ്ഞള്‍പ്പൊടി ചേര്‍ത്ത് അരിഞ്ഞ പച്ചമുളകും കുടുംപുളിയും ചേര്‍ത്ത് ഒന്നിളക്കി അടച്ച് വെച്ച് വേവിച്ചെടുക്കുക.

ഒരു മിനുറ്റിന് ശേഷം ഇതിലേക്ക് വൃത്തിയാക്കി വെച്ചിരിക്കുന്ന മീൻ ചേർക്കുക . തുടര്‍ന്ന് ആവശ്യത്തിന് ഉപ്പും കാല്‍കപ്പ് വെള്ളവും ചേര്‍ത്ത് ഒന്നിളക്കി അടച്ച് വേവിച്ചെടുക്കാം. മീന്‍ വെന്തതിന് ശേഷം ആവശ്യാനുസരണം വെള്ളം വറ്റിച്ച് എടുക്കാവുന്നതാണ്. ശേഷം ഒരല്‍പം പച്ച വെളിച്ചെണ്ണ ഇതിന് മുകളില്‍ തൂവാം. മീൻ പീര റെഡി.