പരീക്ഷ പേടി പോലെ തന്നെ ഫലം വരുന്നതിന് മുൻപും കുട്ടികൾക്കും മാതാപിതാക്കൾക്കും പൊതുവെ പേടി കൂടുതലായിരിക്കും. ജീവിതത്തിലെ വഴിത്തിരവാണിത് എന്നൊക്കെ പറഞ്ഞ് കുട്ടികളെ പേടിപ്പിക്കുന്ന മാതാപിതാക്കളും സമൂഹത്തിൽ കുറവല്ല. കുട്ടിയുടെ ഭാവി മുഴുവൻ ഫലത്തെ ആശ്രയിച്ചാണെന്ന് ചുറ്റുമുള്ളവർ പറയുന്നതാണ് അവരെ കൂടുതൽ ആശങ്കയിലാക്കുന്നത്. മാർക്ക് കിട്ടിയില്ലെങ്കിൽ വീട്ടുകാർ എങ്ങനെ പ്രതകരിക്കുമെന്ന പേടിയാണ് പല കുട്ടികളെയും കൂടുതൽ സമ്മർദ്ദത്തിലാക്കുന്നത്. പൊതുവെ സന്തോഷവും അതുപോലെ സങ്കടം നിറയുന്ന സമയമാണ് പരീക്ഷ ഫലം വരുന്ന കാലം. ഒരു ​ഗ്രേഡ് നഷ്ടപ്പെടുന്നതിൻ്റെ പേരിൽ ആത്മഹത്യ ചെയ്യുന്നവരും വീട് വിട്ട് ഇറങ്ങി പോകുന്നവരുമൊക്കെ വളരെ കൂടുതലാണ് ഇന്നത്തെ സമൂഹത്തിൽ. അതിൻ്റെ പ്രധാന കാരണം മാതാപിതാക്കൾ കൂടിയാണ്. പരാജയങ്ങളെ നേരിടാൻ കുട്ടികളെ പഠിപ്പിക്കാത്തതാണ് ഇത്തരം സാഹചര്യങ്ങൾക്ക് കാരണമാകുന്നത്. പരീക്ഷയുടെ ഫലം വരുന്ന ദിവസം കുട്ടികളോട് പറയാൻ പാടില്ലാത്ത ചില കാര്യങ്ങൾ ഇതാ

കുറച്ചും കൂടെ അധ്വാനിച്ചിരുന്നെങ്കിൽ

പൊതുലെ ഫലം വരുന്ന ദിവസം മാർക്ക് അൽപ്പം കുറഞ്ഞാൽ എല്ലാ മാതാപിതാക്കളും പറയുന്ന ഡയലോ​ഗാണിത്. കുറച്ചും കൂടെ നീ കഠിനാധ്വാനം ചെയ്തിരുന്നെങ്കിൽ കൂടുതൽ മാർക്ക് കിട്ടിമായിരുന്നു എന്നതാണ്. മാതാപിതാക്കളുടെ ഈ പ്രസ്താവന പൊതുവെ കുട്ടികൾക്ക് അവർ ചെയ്ത കഷ്ടപ്പാടുകൾ വെറുതെ ആണെന്ന തോന്നൽ ഉണ്ടാക്കും എന്നതാണ് സത്യം. കുട്ടികളുടെ പരിശ്രമത്തിൽ മാതാപിതാക്കൾക്ക് വിശ്വാസമില്ലെന്നും അവർക്ക് ഇതിലൂടെ തോന്നാം. അവൻ അവൾ വാങ്ങിയ മാർക്ക് പൂർണ തൃപ്തരല്ലെന്നും ഈ പ്രസ്താവനയിലൂടെ കുട്ടികളെ തോന്നിക്കുകയാണ് ചെയ്യുന്നത്. ഒരിക്കലും മാതാപിതാക്കളുടെ ആ​ഗ്രഹത്തിന് എത്താൻ കഴിയില്ലെന്ന് കുട്ടികളുടെ മനസിനെ അടിച്ച് ഏൽപ്പിക്കപ്പെടുകയും ചെയ്യും.

ഈ മാർക്ക് കൊണ്ട് എന്ത് ഭാവിയാണ് ഉള്ളത്?

കഠിനാധ്വാനം ചെയ്യാനും ഉയർന്ന ലക്ഷ്യങ്ങൾ നേടാനും കുട്ടിയെ കൂടുതലായി പ്രേരിപ്പിക്കേണ്ടത് വളരെ പ്രധാനമാണ്. അത് മാതാപിതാക്കളുടെ കടമയാണെന്ന് ആദ്യം മനസിലാക്കുക. തിരിച്ചടികൾക്കിടയിലും എങ്ങനെ മുന്നോട്ട് പോകണമെന്ന് കുട്ടികളെ പഠിപ്പിക്കേണ്ടത് മാതാപിതാക്കളാണ്. ഈ മാർക്ക് കൊണ്ട് എന്ത് ഭാവിയാണ് ഉള്ളതെന്ന് പറയുമ്പോൾ അത് അവരുടെ പ്രചോദനം ഇല്ലാതാക്കും. അവരുടെ ഭാവിയെ തന്നെ ആശങ്കയിലാക്കുകയാണ് ഇതിലൂടെ ചെയ്യുന്നത്. മാത്രമല്ല ജീവിതത്തിൽ നല്ലതൊന്നും ചെയ്യാൻ കഴിവില്ലെന്ന് കുട്ടികൾ സ്വയം വിശ്വസിക്കാനിടയാക്കും.

ഇന്റർനെറ്റിൻ്റെ ഉപയോ​ഗം കൂടിയാൽ ഇതായിരിക്കും അവസ്ഥ

ഒരു രക്ഷിതാവ് എന്ന നിലയിൽ, നിങ്ങൾക്ക് എല്ലാത്തിനും ഇന്റർനെറ്റിനെ കുറ്റപ്പെടുത്താൻ കഴിയില്ല. ഇന്റർനെറ്റ് ആസക്തി ഈ തലമുറയെ സംബന്ധിച്ചിടത്തോളം ആശങ്കാജനകമായ ഒരു പ്രശ്നമാണ് എന്നത് ശരിയാണ്; പക്ഷേ, ക്രിയാത്മകമായി ഉപയോഗിക്കുകയാണെങ്കിൽ, ഉപയോഗപ്രദമായ വിവരങ്ങൾക്ക് ഇന്റർനെറ്റ് ഒരു പരിധിയില്ലാത്ത ഉറവിടമാണ്. നെറ്റിനെ കൊല്ലേണ്ട ഒരു രാക്ഷസനായി ചിത്രീകരിക്കുന്നതിനുപകരം പഠനത്തിൽ നിങ്ങളുടെ കുട്ടി നേരിടുന്ന പ്രശ്നങ്ങൾ കണ്ടെത്തുക.

കൂട്ടുകാരാണ് പ്രശ്നം

കൂട്ടുക്കെട്ടുകൾ നല്ലതും ചീത്തയുമൊക്കെ ഉണ്ടാകാം. പക്ഷെ മാർക്ക് കുറയുമ്പോൾ കൂട്ട് കെട്ടാണ് പ്രശ്നമെന്ന് പറയുന്നത് എല്ലാ മാതാപിതാക്കളും ചെയ്യുന്നതാണ്. മോശമായി കൂട്ടുകെട്ടുകളിൽ നിന്ന് മാറ്റി നിർത്തേണ്ടത് വളരെ പ്രധാനമാണ്. എന്നാൽ ഓരോ കുട്ടിയുടെയും വിവരങ്ങൾ പഠിക്കാനും പ്രോസസ്സ് ചെയ്യാനും ഉള്ള കഴിവ് വ്യത്യസ്തമാണെന്ന് ഓർക്കണം. ഒരു ദിവസം വെറും രണ്ട് മണിക്കൂർ പഠിക്കുന്ന കുട്ടിക്ക് ആറ് മണിക്കൂർ പഠിക്കുന്ന ഒരാളേക്കാൾ കൂടുതൽ സ്കോർ ചെയ്യാൻ കഴിയും. അതുകൊണ്ട് തന്നെ ക്ലാസ് ടോപ്പറുമായി കൂട്ട് കൂടുന്നതാണ് സ്വയം മാർക്ക് കൂടുതൽ നേടാൻ സഹായിക്കുമെന്ന് പറയുന്നത് ശരിയല്ല. അതും കുട്ടിയുടെ പഠനവും തമ്മിൽ യാതാരു ബന്ധവുമില്ലെന്ന് മനസിലാക്കുക.

​അഡ്മിഷൻ എടുക്കാൻ ‍ഞങ്ങളുടെ കൈയിൽ പൈസ ഇല്ല

കുട്ടികളെ പഠിപ്പിക്കുന്ന കാര്യത്തിൽ പൈസയുടെ കണക്ക് പറയുന്നത് അവരിൽ നിരാശയുണ്ടാക്കാം. ഇത്തരത്തിലുള്ള പ്രസ്താവനകൾ കുട്ടിക്ക് അവൾ അല്ലെങ്കിൽ അവൻ ഒരു ബാധ്യതയാണെന്ന് തോന്നുകയും അവളുടെ ആത്മാഭിമാനത്തെ വ്രണപ്പെടുത്തുകയും ചെയ്യും. അവൾ ഒരു തിരിച്ചടി നേരിടുമ്പോൾ, അല്ലെങ്കിൽ പരാജയം പോലും അഭിമുഖീകരിക്കുമ്പോൾ, അവൾ മനസ്സ് വെച്ചാൽ ജീവിതത്തിൽ വലിയ നേട്ടങ്ങൾ കൈവരിക്കാൻ കഴിയുമെന്ന് അവൾക്കറിയാം. ഒരു തിരിച്ചടി ഭാവിയിൽ അവളുടെ എല്ലാ പ്രകടനങ്ങളും അളക്കുന്ന അളവുകോലായി മാറരുത്.

​കുറച്ചെങ്കിലും നാണമുണ്ടോ നിനക്ക്?

കുട്ടിക്ക് മാർക്ക് കുറഞ്ഞ് പോകുന്നതിൻ്റെ പേരിൽ അവരെ കുറ്റപ്പെടുത്തുമ്പോൾ ഇത്തരം വാക്യങ്ങൾ മാതാപിതാക്കൾ ഉപയോഗിക്കാറുണ്ട്. കുട്ടിയുടെ പ്രകടനം മോശമായിരുന്നെങ്കിൽ ഒരുപക്ഷെ ഇതിനോടകം തന്നെ ആ കുട്ടി സ്വയം കുറ്റപ്പെടുത്തുന്നുണ്ടാവാം. അവളുടെ കുറ്റബോധത്തിലേക്ക് വീണ്ടും കൂടുതൽ വാക്കുകൾ ഉപയോഗിച്ച് അവരെ വിഷമിപ്പിക്കാതിരിക്കാൻ ശ്രമിക്കുക. കൂടാതെ, ഇത്തരത്തിൽ എന്തെങ്കിലും പറയുമ്പോൾ, അതിനർത്ഥം നിങ്ങൾക്കും അവളെക്കുറിച്ച് ലജ്ജ തോന്നുന്നു എന്നാണ്.