നര മാറാൻ വീട്ടിൽ തന്നെ തയ്യാറാക്കാൻ കഴിയുന്ന ഒരു ഡൈ പരിചയപ്പെടാം. ഇത് തയ്യാറാക്കാൻ വെറും മിനിട്ടുകൾ മതി. ഒരു കാര്യം കൂടെ ശ്രദ്ധിക്കുക, ഡൈ മാത്രമല്ല, നിങ്ങൾ ഭക്ഷണത്തിൽ നെല്ലിക്ക, മുരിങ്ങയില, കറിവേപ്പില എന്നിവ ഉൾപ്പെടുത്തുന്നതും നല്ലതാണ്. ഇത് വളരെ പെട്ടെന്ന് തന്നെ നര മാറ്റാൻ സഹായിക്കും.

ആവശ്യമായ സാധനങ്ങൾ

ഉലുവ - 1 ടേബിൾസ്‌പൂൺ

കരിംജീരകം - 1 ടേബിൾസ്‌പൂൺ

ബദാം - 4 എണ്ണം

തേങ്ങി ചിരകിയത് - 2 ടേബിൾസ്‌പൂൺ

തയ്യാറാക്കുന്ന വിധം

ചേരുവകളെല്ലാം ഇരുമ്പ് ചീനച്ചട്ടിയിലിട്ട് നന്നായി വറുത്ത് കരിച്ചെടുക്കണം. തണുക്കുമ്പോൾ ഇതിനെ അരച്ചെടുക്കുക. ഇതിലേക്ക് അൽപ്പം കറ്റാർവാഴ ജെൽ ചേർത്ത് നന്നായി യോജിപ്പിച്ച് ഡൈ രൂപത്തിലാക്കി ഒരു രാത്രി മുഴുവൻ ഇരുമ്പ് ചീനച്ചട്ടിയിൽ അടച്ച് സൂക്ഷിക്കുക.

ഉപയോഗിക്കേണ്ട വിധം

എണ്ണമയം ഒട്ടുമില്ലാത്ത മുടിയിൽ ഡൈ പുരട്ടി ഒന്നോ രണ്ടോ മണിക്കൂറിന് ശേഷം കഴുകി കളയാവുന്നതാണ്. ഷാംപൂ ഉപയോഗിക്കാൻ പാടില്ല.