ഡൈവോഴ്സ് കഴിഞ്ഞാൽ ജീവിതം തീർന്നു എന്നല്ല; അറിയാം ചില കാര്യങ്ങൾ

  1. Home
  2. Lifestyle

ഡൈവോഴ്സ് കഴിഞ്ഞാൽ ജീവിതം തീർന്നു എന്നല്ല; അറിയാം ചില കാര്യങ്ങൾ

divorced


വിവാഹമോചനം ഏതൊരാളുടേയും ജീവിതത്തിൽ പ്രതീക്ഷിക്കാനാവാത്ത വൈകാരിക മാറ്റങ്ങൾ ഉണ്ടാക്കുന്ന ഒന്നായിരിക്കും. ഒരുപക്ഷേ ഒരാളുടെ മാനസിക നിലയെ മുഴുവനായി പോലും തകർത്തുകളയുന്ന ഒന്നായി മാറും. ഈ ഏതൊരാൾക്കും ഉണ്ടാകാൻ സാധ്യതയുള്ള ചില വൈകാരിക പ്രതിഫലനങ്ങൾ ഇവയെല്ലാമാണ് :

1. വഞ്ചിക്കപ്പെട്ടെന്ന തോന്നൽ


പങ്കാളിയിൽ നിന്ന് നിങ്ങൾ വിവാഹമോചനം നേടി എന്ന വസ്തുത കുറച്ചു നാളത്തേക്ക് നിങ്ങൾക്ക് അംഗീകരിക്കാൻ കഴിയാതെ വരുന്നു. യാഥാർത്ഥ്യം അംഗീകരിക്കാൻ നിങ്ങളുടെ മനസ്സ് തയ്യാറല്ല. നിങ്ങൾ വഞ്ചിക്കപ്പെട്ടതായും നിഷേധിക്കപ്പെടുന്നതായും അനുഭവപ്പെടുന്നു.

2. കുറ്റബോധം

വിവാഹമോചനത്തിനു ശേഷം നിങ്ങൾക്ക് അനുഭവപ്പെടാൻ സാധ്യതയുള്ള മറ്റൊരു മനോവിചാരമാണ് കുറ്റബോധം. നിങ്ങളുടെ പങ്കാളിയോട് നിങ്ങൾ അന്യായം ചെയ്തിട്ടുണ്ടെന്ന തോന്നൽ നിങ്ങൾക്ക് രൂപപ്പെടുകയും അതുമൂലമാണ് അവൾ നിങ്ങളെ വിട്ടു പോയതെന്ന ചിന്ത മനസ്സിൻ്റെ താളം തെറ്റിക്കുകയും ചെയ്തേക്കാം. ഒരുപക്ഷേ നിങ്ങൾ അവരുടെ ഇഷ്ടങ്ങൾക്കും ആവശ്യങ്ങൾക്കും അനുസരിച്ച് സ്വയം മാറാൻ ശ്രമിച്ചേക്കാം. എന്നാൽ ഇത്തരം സന്ദർഭങ്ങളിൽ നമ്മളെല്ലാം മനസ്സിലാക്കാതെ പോകുന്ന ഒരു കാര്യം ഒരിക്കൽ തകർന്നുപോയ ബന്ധത്തിലെ വിശ്വാസവും സ്നേഹവും അതിന്റെ യഥാർത്ഥ രൂപത്തിലേക്ക് വീണ്ടും പുന:സ്ഥാപിക്കാൻ കഴിയില്ല എന്നതാണ്. ബന്ധങ്ങളുടെ മാത്രം പ്രത്യേകതയാണത്.

3. ഷോക്ക്

വിവാഹമോചനം പലർക്കും ഹൃദയം തകർക്കുന്ന ഒരു അനുഭവമായിരിക്കും. വാസ്തവത്തിൽ, നിങ്ങളുടെ ജീവിതപങ്കാളി നിങ്ങളുടെ ആദ്യ പ്രണയമായിരുന്നുവെങ്കിൽ, അത് നിങ്ങളുടെ ആത്മാവിനെ വേദനിപ്പിക്കുകയും നിങ്ങളെ ഏറ്റവുമധികം തകർത്തുകളയുകയും ചെയ്തേക്കാം. നിങ്ങൾക്ക് ഭക്ഷണം കഴിക്കാനോ ശരിയായി ഉറങ്ങാനോ കഴിയില്ല. നിങ്ങൾ പങ്കാളികൾ ഒരുമിച്ച് ചെലവഴിച്ച നാളുകളെക്കുറിച്ചുള്ള ചിന്തകൾ നീണ്ടനാൾ മനസ്സിൽ തങ്ങിനിൽക്കും. ഇത്തരം ഓർമ്മകളും നൊസ്റ്റാൾജിയയുമൊക്കെ ഞെട്ടലുകളും പ്രകമ്പനങ്ങളുമായി നിങ്ങളെ ബാധിക്കുകയും ചെയ്യും. എന്താണ് സംഭവിച്ചതെന്ന് മനസ്സിലാക്കിയെടുക്കാനും അതിൽ നിന്ന് കരകയറാനും ഒരുപാട് കാലം എടുത്തെന്നിരിക്കും.

4. മാറ്റത്തെ സ്വീകരിക്കാൻ കഴിയുന്ന ഘട്ടം

മുൻകോപം, കുറ്റബോധം, ഞെട്ടൽ, നിരസനം എന്നീ വികാരങ്ങളുടെ ഘട്ടത്തെ താണ്ടി മുന്നോട്ട് പോയി കഴിഞ്ഞാൽ, നിങ്ങൾ പതുക്കെ ഉണ്ടായ മാറ്റത്തെ സ്വീകരിക്കാൻ തുടങ്ങും. തൻ്റെ ജീവിതത്തിൽ എന്താണ് സംഭവിച്ചതെന്ന് നിങ്ങൾക്ക് മനസിലായിത്തുടങ്ങും. ഒരു സ്വപ്നത്തിലെന്നപോലെ ജീവിച്ചുകൊണ്ട് ഇനിയും നിങ്ങളുടെ ജീവിതത്തെ പാഴാക്കി കളയാൻ കഴിയില്ല എന്ന സത്യം നിങ്ങൾ തിരിച്ചറിയുന്നു. നിങ്ങൾ പതുക്കെ മുന്നോട്ടു പോകാൻ ശ്രമിക്കുകയും ഒരു പുതിയ ഭാവിക്കായി പ്രതീക്ഷിക്കുകയും ചെയ്യുന്നു. ഒരുപക്ഷേ ഇത്തരമൊരു വീഥി ഒരുപക്ഷേ ഇതിനു മുമ്പ് നിങ്ങൾ നടന്നിട്ടില്ലാത്ത ഒന്നായിരിക്കാം.

5. വീണ്ടും വീണ്ടും നിങ്ങളെ തിരിച്ചറിയുന്നു

വൈകാരികമായ രീതിയിൽ നിങ്ങൾക്ക് കൂടുതൽ സ്ഥിരത അനുഭവപ്പെടാൻ തുടങ്ങുകയും നിങ്ങളുടെ മുൻ പങ്കാളിയെക്കുറിച്ച് വളരെയധികം ചിന്തിച്ചു കൊണ്ട് മനസ്സ് വിഷമിപ്പിക്കുന്നത് നിങ്ങൾ അവസാനിപ്പിക്കുകയും ചെയ്യും. നിങ്ങൾ ഒരുമിച്ച് ചെലവഴിച്ച സമയം, സന്തോഷകരവും വേദനാജനകവുമായ ഓർമ്മകൾ, അവ പതുക്കെ മനസ്സിൻ്റെ തിരശീലയിൽ നിന്ന് മാഞ്ഞുപോകും. ജീവിതത്തിൽ നിങ്ങൾക്കവരെ ഒരിക്കലും മറക്കാൻ സാധിക്കുകയില്ല. എങ്കിൽ പോലും മുൻപത്തെ പോലെ നിങ്ങളവരെ നിരീക്ഷിക്കുകയില്ല. മനസ്സ് പതുക്കെ ജീവിതത്തിലെ പുതിയ പുതിയ അവസരങ്ങൾക്കായി തുറക്കാൻ തുടങ്ങുന്നു. ഇതിനർത്ഥം പുതിയ ചങ്ങാതിമാരെ ഉണ്ടാക്കുക, ഒരു പുതിയ ഹോബി ഏറ്റെടുക്കുക, നിങ്ങളുടെ കരിയറിൽ മുന്നേറുക തുടങ്ങിയ കാര്യങ്ങളാണ്. ഇത് ഒരു പുതിയ ജീവിതത്തിലേക്കുള്ള നിങ്ങളുടെ തുടക്കവും മനസ്സിനുണ്ടാവുന്ന ഒരു നല്ല മാറ്റവുമാണ്.

വിവാഹമോചനം നേടിയ ശേഷം നിങ്ങൾ എന്താണ് പ്രതീക്ഷിക്കേണ്ടത് ?

വിവാഹമോചനം നൽകുന്ന വേദന എന്താണെന്ന് ആരെയും പറഞ്ഞറിയിക്കേണ്ട ആവശ്യമില്ല. അത് നൽകുന്ന മാനസിക സമ്മർദ്ദങ്ങളിലൂടെയും വിഷമങ്ങളിലൂടെയും കടന്നുപോവുമ്പോൾ സ്വന്തം മനസ്സിനെ ശാന്തമാക്കാനും ജീവിതത്തെ നേരിടാനുമായി നിങ്ങൾക്ക് പ്രതീക്ഷിക്കാവുന്ന ചില മാറ്റങ്ങൾ ഇതാ.

1. വീണ്ടും അവിവാഹിതൻ!


വിവാഹമോചനത്തിനു ശേഷം, നിങ്ങൾ ഔദ്യോഗികമായി അവിവാഹിതനാണ്. നിങ്ങളുടെ പുതിയ സ്വാതന്ത്ര്യം നിങ്ങൾക്ക് മാനസികവും വൈകാരികവുമായ വ്യക്തത നൽകും എന്നതാണ് ഇതിൻ്റെ നല്ല വശം.

2. കരിയറിൽ പൂർണ്ണമായും ശ്രദ്ധ നൽകാം

നിങ്ങൾ മുമ്പ് നിങ്ങളുടെ പങ്കാളിയെ സാമ്പത്തികമായി ആശ്രയിച്ചിരുന്നെങ്കിൽ, നിങ്ങളുടെ കരിയർ തുടരുന്നതിനുള്ള ഏറ്റവും അനുയോജ്യമായ സമയമാണിതെന്ന് നിങ്ങൾ തിരിച്ചറിയുന്നു. കരിയറിൽ നിങ്ങൾ ആഗ്രഹിക്കുന്ന ലക്ഷ്യങ്ങൾക്ക് പിറകേ പോകാനും നല്ല രീതിയിൽ പണം സമ്പാദിക്കാനും ധനകാര്യത്തിനായി മറ്റൊരാളെ ആശ്രയിക്കാതിരിക്കാനുമുള്ള അവസരമായിത് മാറുന്നു.


3. കൂടുതൽ ഉത്തരവാദിത്തം

നിങ്ങളുടെ ഉത്തരവാദിത്തം നിങ്ങൾ കൈകളിൽ തന്നെയായി മാറുന്നു. മുൻപ് പങ്കാളി ചെയ്തിരുന്ന പല കാര്യങ്ങളും ഇപ്പോൾ സ്വയം ചെയ്യേണ്ടതുണ്ട്. കുട്ടികളുടെ കാര്യം മുതൽ വീട്ടിലെ പാചകത്തിന് കാര്യം വരെ ഉൾപ്പെടുന്ന അതിൽ. ഇക്കാര്യങ്ങൾ ഓർത്ത് ഒരിക്കലും നിങ്ങൾ ലജ്ജിക്കേണ്ട ആവശ്യമില്ല. മനശക്തിയോടെ എല്ലാത്തെയും മുന്നോട്ടു കൊണ്ടുപോകാനാവും.

4. യഥാർത്ഥ സുഹൃത്തുക്കൾ ആരെല്ലാമാണെന്ന് സ്വയം തിരിച്ചറിയുന്നു

നിങ്ങളുടെ ഈ വിഷമഘട്ടത്തിൽ ഒരു കൈത്താങ്ങായി കൂടെ നിൽക്കുന്ന യഥാർത്ഥ സുഹൃത്തുക്കൾ ആരൊക്കെയാണ് എന്ന് നിങ്ങളപ്പോൾ തിരിച്ചറിയുന്നു. നിങ്ങളുടെ വിഷമത്തിൽ പങ്കുചേരാത്തവരെയും നിങ്ങളെ കുറ്റപ്പെടുത്തുന്നവരേയും മറക്കുവാനുള്ള സമയം കൂടിയാണ്.

5. കുടുംബത്തിന്റെ പിന്തുണ

ഒരുപക്ഷേ കുടുംബം നിങ്ങൾക്ക് താൽക്കാലികമായി താമസിക്കാൻ ഒരു സ്ഥലം നൽകിയേക്കും. അല്ലെങ്കിൽ വൈകാരികമായ നിങ്ങളുടെ വിഷമഘട്ടങ്ങളിൽ ഒറ്റപ്പെടുത്താതെ കൂടെ ഉണ്ടായിരിക്കും. അവർക്ക് നിങ്ങളെ സാമ്പത്തികമായി സഹായിക്കാൻ കഴിയുന്നില്ല എങ്കിൽ പോലും ജീവിതകാലം മുഴുവനും നന്ദിയുള്ളവരായിരിക്കേണ്ടത്ര വൈകാരിക സഹായം അവർക്ക് നൽകാൻ കഴിയുന്നു.

6. കുട്ടികളെ പരിപാലിക്കണം

നിങ്ങളുടെ വിവാഹത്തിൽ കുട്ടികളുണ്ടെങ്കിൽ, നിങ്ങളവരെ ഏറ്റവും നന്നായി പരിപാലിക്കേണ്ടതുണ്ട്. അത് അധിക ഉത്തരവാദിത്തമാണ്. ഇക്കാര്യം നിങ്ങൾ തുലാസിൽ വച്ച് തൂക്കിനോക്കരുത്. വെല്ലുവിളി ഉയർത്തുന്ന ഒന്നായി ഇതിനെ കരുതുക. നിങ്ങളുടെ പങ്കാളിക്കും കുട്ടികൾക്കും ഒരു മാതൃകയായി മാറേണ്ടതുണ്ട്.

7. നിങ്ങൾ തനിച്ചായിരിക്കുക

പങ്കാളിയിൽ നിങ്ങൾക്ക് കുട്ടികളൊന്നുമില്ലെങ്കിൽ, നിങ്ങൾ പിന്നീട് തനിച്ചായിരിക്കും. ഇതിനർത്ഥം വിവാഹമോചനം നൽകിയ വിഷമങ്ങളിൽ നിന്നും പുറത്തുകടക്കാൻ നിങ്ങൾക്ക് തന്നെ കൂടുതൽ‌ സമയം ലഭിക്കുന്നു എന്നതാണ്. നിങ്ങൾ സ്വയം നിങ്ങളെ മാത്രം പരിപാലിക്കാൻ‌ ശ്രമിച്ചാൽ മതിയാകും. നിങ്ങളുടെ ഫോക്കസ് മുഴുവനായും നിങ്ങളിൽ തന്നെയായിരിക്കും. ഇതുവഴി വിവാഹമോചനം നൽകിയ വിഷമങ്ങളിൽ നിന്ന് വേഗത്തിൽ പുറത്തു കടക്കാനാവും.

8. കൂടുതൽ റിയലിസ്റ്റിക് ആയി മാറുന്നു

ഇപ്പോൾ നിങ്ങൾ നിങ്ങളുടെ ആദ്യ ബന്ധത്തിലൂടെ കടന്നുപോയി, ജീവിതത്തിൽ എന്താണ് പ്രതീക്ഷിക്കേണ്ടതെന്ന് ഇപ്പോൾ നിങ്ങൾക്കറിയാം. ശരിതെറ്റുകളെ വേർതിരിച്ചറിയാൻ നിങ്ങൾക്ക് ഇപ്പോൾ കഴിയും. ഇത് നിങ്ങളുടെ ആത്മാവിനെ കൂടുതൽ ശക്തമാക്കുന്ന ഒരു അനുഭവമായി മാറുന്നു. ഒരുപക്ഷേ ഭാവിയിൽ നിങ്ങളുടെ ജീവിതത്തിൽ ഉണ്ടായേക്കാവുന്ന ബന്ധങ്ങളിൽ ഇത് നിങ്ങളെ ഉയർത്തിക്കാട്ടുകയും പോരായ്മകൾ പരിഹരിക്കാൻ അവസരം നൽകുകയും ചെയ്യും. ഒപ്പം ജീവിതത്തിൽ ആരെയെങ്കിലും എളുപ്പത്തിൽ വിശ്വസിക്കുന്ന കാര്യത്തിൽ നിങ്ങൾ ജാഗ്രത പാലിക്കും.

Also read:അമ്മായിയമ്മ ഒരു ഭീകരജീവിയല്ല! മരുമകൾ ഒരു താടകയുമല്ല!

9. പുതിയ ആളുകളെ കണ്ടുമുട്ടുന്നു

നിങ്ങളുടെ കരിയറിലും ഹോബികളിലും കൂടുതൽ ശ്രദ്ധ കേന്ദ്രീകരിക്കുകയാണെങ്കിൽ നിങ്ങളുടെ സോഷ്യൽ സർക്കിൾ വികസിക്കും. കൂടുതൽ ആളുകളെയും പുതിയ ബന്ധങ്ങളെയും നിങ്ങൾ കണ്ടുമുട്ടും. ഇത് സ്വാഭാവികമായി ഉണ്ടാവുന്ന ഒരു പരിണതഫലമാണ്, അത് പിന്നീട് ഫലപ്രദമാണെന്ന് നിങ്ങൾ തിരിച്ചറിയുകയും ചെയ്യും.

10. നിങ്ങൾ മറ്റുള്ളവരെ ആശ്രയിക്കില്ല

ഇതിനുമുമ്പ് നിങ്ങളുടെ പങ്കാളിയോട് നിങ്ങൾ വൈകാരികമായി പറ്റിനിൽക്കുകയോ അല്ലെങ്കിൽ എല്ലാത്തിനും അവരെ ആശ്രയിക്കുകയോ ചെയ്തിട്ടുണ്ടാകാം. എന്നാൽ നിലവിലിപ്പോൾ അങ്ങനെയല്ല. നിങ്ങളുടെ സന്തോഷം നിങ്ങളുടെ കൈകളിലാണ്. മറ്റുള്ളവരെ ആശ്രയിച്ചു കൊണ്ടല്ല എന്ന് തിരിച്ചറിഞ്ഞ് നിങ്ങൾ പ്രവർത്തിക്കാൻ ആരംഭിക്കുന്നു.

വിവാഹമോചനം കഴിഞ്ഞ ശേഷം നിങ്ങൾ ഒഴിവാക്കേണ്ട 5 തെറ്റുകൾ

വിവാഹമോചനത്തിനുശേഷം പൂർണ്ണമായും ഒഴിവാക്കേണ്ട അഞ്ച് തെറ്റുകൾ ഇതാ:

ഭൂതകാലത്തെക്കുറിച്ച് ചിന്തിച്ച് സ്വയം വിഷാദവാനാകുന്നത്

നേരത്തെ പറഞ്ഞതുപോലെ, ഈയൊരു കാര്യം ഒരു രീതിയിലും നിങ്ങളെ സഹായിക്കുകയില്ല, മറിച്ച് ജീവിതത്തിൽ പ്രതിസന്ധികൾ മാത്രമേ സൃഷ്ടിക്കുകയുള്ളൂ. വൈകാരികമായി നിങ്ങൾ ഒരുപാട് വിഷമം അനുഭവിക്കുന്നുണ്ടെങ്കിലും അതിനെ തരണം ചെയ്ത് മുന്നോട്ട് പോകാൻ പരിശ്രമക്കണം.

life after divorce

ധനകാര്യത്തെ ഒഴിവാക്കുന്നത്

വിഷാദങ്ങളിൽ കൂപ്പുകുത്തി വീണകൊണ്ട് നിങ്ങളുടെ ധനകാര്യങ്ങളെ മുഴുവനായും അവഗണിക്കുകയും വേണ്ട ശ്രദ്ധ നൽകാതിരിക്കുകയും ചെയ്താൽ, കൂടുതൽ നഷ്ടങ്ങൾ നിങ്ങളുടെ ജീവിതത്തിൽ സംഭവിച്ചുകൊണ്ടിരിക്കും.

പങ്കാളിയെ വീണ്ടും പിന്തുടരുന്നത്

നിങ്ങളുടെ പങ്കാളിയെ പിന്തുടരുന്നത് തെറ്റായതും മോശപ്പെട്ടതുമായ ഒരു നീക്കം കൂടിയാണ്. ഇത് നിങ്ങളുടെ ആത്മാഭിമാനവും ആത്മവിശ്വാസവും കുറച്ചു കളയുന്നതിന് വഴിയൊരുക്കുന്നു.

നിങ്ങളുടെ കുട്ടികളെ അവഗണിക്കുന്നത്

നിങ്ങളും പങ്കാളിയുമായി സംഭവിച്ചുപോയ തെറ്റുകുറ്റങ്ങൾ മൂലം നിങ്ങളുടെ കുട്ടികളെ കഷ്ടപ്പെടുത്താൻ അനുവദിക്കരുത്. എല്ലാ കാര്യങ്ങളിലും അവരെ സഹായിച്ചുകൊണ്ട് അവരുടെ ഒപ്പം ഉണ്ടായിരിക്കണം.

പങ്കാളിയിൽ നിന്ന് വേർപിരിഞ്ഞ ശേഷം ജീവിതത്തെ പുനർസ്ഥാപിക്കാനുള്ള 10 മാർഗങ്ങൾ

ഭർത്താവിൽ നിന്നോ ഭാര്യയിൽ നിന്നോ വിവാഹമോചനം നേടിയതിനു ശേഷമുള്ള നിങ്ങളുടെ ജീവിതം മുന്നോട്ടു നയിക്കാൻ സഹായകമായ പത്ത് ടിപ്പുകൾ ഇതാ.

1. നിങ്ങൾക്ക് ആവശ്യമുള്ളത്ര വിലപിക്കുക

വിവാഹമോചനം നിങ്ങളുടെ ഹൃദയത്തിൽ ഉണ്ടാക്കിയ മുറിവുകളെ സാന്ത്വനപെടുത്തുന്നതിനായി നിങ്ങൾ ആവശ്യമുള്ളത്ര വിലപിക്കുകയും സ്വയം പുറത്തുകടക്കാൻ ശ്രമിക്കുകയും ചെയ്യേണ്ടത് അത്യാവശ്യമാണ്. ധാരാളം ജേണലുകൾ എഴുതുകയോ നിങ്ങളെ സ്വയം കണ്ടെത്താനായി യാത്രകൾ നടത്തുകയോ ചെയ്യുക.

2. ഒരു തെറാപ്പിയിൽ പങ്കെടുക്കുക

നിങ്ങളുടെ വൈകാരിക വ്യതിയാനങ്ങൾ നിയന്ത്രിക്കാൻ കഴിയാത്തതായി മാറുകയാണെന്ന് തിരിച്ചറിയുകയാണെങ്കിൽ ഒരു കൗൺസിലിങ്ങോ തെറാപ്പിയോ നേടിയെടുക്കുന്നത് പരിഗണിക്കുക. ചങ്ങാതിമാരുമായി തുറന്ന് സംസാരിക്കുന്നതും വിഷമങ്ങൾ പങ്കുവയ്ക്കുന്നതും ഒരു നല്ല കാര്യമാണ്.

3. നിങ്ങളുടെ സ്വന്തം ശൈലിയിൽ സന്തോഷമായിരിക്കാൻ പഠിക്കുക

വിവാഹമോചനത്തിന് മുൻപ് പങ്കാളിയുമായി സമയം ചെലവഴിക്കുന്നതിൽ സന്തോഷം കണ്ടെത്തിയിരുന്ന ആളായിരിക്കും നിങ്ങൾ. എന്നാലിപ്പോൾ കാര്യങ്ങൾ പഴയ പോലെയല്ല. സ്വയം സന്തോഷമായിരിക്കാനായി നിങ്ങൾ കുറച്ചു കാര്യങ്ങൾ സ്വയം കണ്ടെത്തേണ്ട സമയമാണിത്.

4. യഥാർത്ഥ നിങ്ങളെ കണ്ടെത്തുക

നിങ്ങൾ ഒറ്റയ്ക്ക് താമസിക്കുന്നതിനാൽ, നിങ്ങളുടെ യഥാർത്ഥ സ്വഭാവവും അതിൻ്റെ പോരായ്മകളും സ്വയം തിരിച്ചറിയാൻ നിങ്ങൾക്ക് ധാരാളം അവസരങ്ങൾ ലഭിക്കും. നിങ്ങളുടെ കരിയറിലും ഹോബികളിലും കൂടുതൽ വ്യാപൃതരായി മാറുമ്പോൾ, വിവാഹമോചനം നൽകിയ വിഷമങ്ങളെ നേരിട്ടുകൊണ്ട് മുന്നോട്ടുപോകാനുള്ള ശക്തി ലഭിക്കും.

dating tips for men

5. ഡേറ്റിംഗ് ആരംഭിക്കുക

പുതിയതും മനസ്സിന് സന്തോഷം പകരുന്നതുമായ ബന്ധങ്ങളിലേക്ക് നടന്നെത്തുന്നതു വരെ ഇത് ഒരു പരിവർത്തന ഘട്ടമായി കരുതുക. നിങ്ങളുടെ കംഫർട്ട് സോണിന് അകത്തുള്ള ആളുകളുമായി ഡേറ്റിംഗ് നടത്താൻ ശ്രമിക്കുക. പുതിയൊരു ബന്ധം നിങ്ങളുടെ മനോവിഷമങ്ങളെ നേരിടാൻ ഒരു പരിധിവരെ സഹായിക്കും.
6. കൂടുതൽ പുറത്തു പോകുക

പുറത്തേക്ക് പോകുക. വീട്ടിൽ മാത്രം അടച്ചുപൂട്ടി ഇരിക്കരുത്. കൂടുതൽ സിനിമകൾ കാണാനും പുസ്തകങ്ങൾ വായിക്കാനും ശ്രമിക്കുക. സുഹൃത്തുക്കളുമായി ഹാംഗ്ഔട്ട് ചെയ്യുക. ഒപ്പം ജീവിതം മുന്നോട്ടു കൊണ്ടുപോകാൻ നിങ്ങളെ പ്രേരിപ്പിക്കുന്നത് എന്തെല്ലാമാണെന്ന് കണ്ടെത്താൻ ശ്രമിക്കുക.

7. ഒരു പുതിയ വൈദഗ്ദ്ധ്യം നേടുക

എന്തെങ്കിലും പുതിയ കാര്യങ്ങൾ നിർമ്മിക്കുകയോ പെയിന്റിംഗ് കലയിലേക്ക് തിരിയുകയോ പോലുള്ളവ ചെയ്യാം. ഒരുപക്ഷേ നിങ്ങൾ ഇതുവരെ ശ്രമിച്ചിട്ടില്ലാത്ത പുതിയ കാര്യങ്ങളുടെ പിറകെ പോകാം. പുതിയതായി എന്തെങ്കിലും പഠിക്കുന്നത് വഴി സ്വയം കണ്ടെത്താൻ സാധിക്കും.

best tips to overcome divorce

8. പുനർവിചിന്തനം വേണ്ട

വിഷമഘട്ടങ്ങളെ താണ്ടി കഴിഞ്ഞാൽ നിങ്ങളുടെ മുൻ‌ പങ്കാളിയെക്കുറിച്ച് ചിന്തിക്കാതിരിക്കാൻ ശ്രമിക്കാം. അല്ലെങ്കിൽ ആ വിഷയത്തെക്കുറിച്ച് സംസാരിക്കരുത്. മികച്ചതും നിങ്ങളുടെ ജീവിതത്തിന് ഗുണപരമായ കാര്യങ്ങളിൽ സ്വാധീനം ചെലുത്താം. നിഷേധാത്മകതയെ കൂടെ കൂട്ടരുത്.

9. സാമ്പത്തികമായി സ്വതന്ത്രനായിരിക്കുക

ഒരു പുതിയ കരിയറിൽ പ്രവേശിക്കുക. നിങ്ങൾ ആഗ്രഹിക്കുന്ന ജീവിതശൈലി നിലനിർത്താൻ ഇത് സഹായിക്കും.

10. ആസ്വദിക്കൂ

നിങ്ങൾക്ക് സന്തോഷം ഉള്ള കാര്യങ്ങൾ ചെയ്യാൻ സമയം കണ്ടെത്തണം. അതൊരുപക്ഷേ അത് ഒരു വീഡിയോ ഗെയിം കളിക്കുന്നതായിരിക്കാം. അല്ലെങ്കിൽ ഒരു പുസ്തകം വായിക്കുന്നത് ആയിരിക്കാം. ഇടയ്ക്കൊക്കെ അമ്യൂസ്മെന്റ് പാർക്കിലേക്ക് പോകുക. കുട്ടികൾ ഉണ്ടെങ്കിൽ അവിടെയും കൂട്ടുക. ആസ്വദിക്കാനും പുഞ്ചിരിക്കാനും സന്തോഷമായിരിക്കാനും വേണ്ട കാര്യങ്ങൾ ചെയ്യുക.