അടുക്കളയില് മീന് മണം പ്രശ്നമാണോ?; മാറ്റാന് ഇതാ കുറച്ച് വഴികള്
1. ഫ്രഷ് മീന് വാങ്ങാന്‍ ശ്രദ്ധിക്കാം
മീന്‍മണം വീട്ടില്‍ വരാതിരിക്കാന്‍ ഏറ്റവും ആദ്യം ചെയ്യേണ്ടത് നല്ല ഫ്രഷ് മീന് വാങ്ങുന്നതായിരിക്കും ഏറ്റവും നല്ലത്. ഇത് അടുക്കളയിലും പാത്രങ്ങളിലും മണം വരാതിരിക്കാന്‍ സഹായിക്കും. അതുപോലെ, മീന് വാങ്ങിക്കഴിഞ്ഞാല്‍ തണുത്ത വെള്ളത്തില്‍ കഴുകുന്നത് നല്ലതാണ്. ഇതിലെ ബാക്ടീരിയകളെല്ലാം നീകര്കം ചെയ്യാന്‍ ഇത് സഹായിക്കും. അല്ലെങ്കില്‍ 20 മിനിറ്റ് പാലില്‍ മുക്കി വയ്ക്കുന്നതും മീന്റെ മണം മാറികിട്ടുവാന്‍ സഹായിക്കും.
2. ബേക്കിംഗ് പേപ്പര്‍ ഉപയോഗിക്കൂ
ബേക്കിംഗ് പേപ്പര്‍ ഉപയോഗിച്ച് മീന് പൊതിഞ്ഞ് വയ്്ക്കുന്നതും മീന് മണം മാറ്റി കിട്ടുവാന്‍ സഹായിക്കുന്നതാണ്. കൂടാതെ, മീനിന്റെ മോയ്‌സ്ച്വര്‍ കണ്ടന്റ് നിലനിര്‍ത്തുന്നതിനും ഇത് വളരെയധികം സഹായിക്കും.
3. വിനാഗിരി
വിനാഗിരി ഉപയോഗിച്ച് മീന് വൃത്തിയാക്കുന്നത് മീനിന്റെ മണം മാറ്റിയെടുക്കാന്‍ സഹായിക്കും. മീന് ഇട്ടുവയ്ക്കുന്ന വെളഅളത്തിലേയ്ക്ക് കുറച്ച് വിനാഗിരിയും ഒഴിച്ച് ക്ലീന്‍ ചെയ്ത് എടുക്കാവുന്നതാണ്. അതുപോലെ, മീന് വൃത്തിയാക്കാന്‍ എടുത്ത പാത്രങ്ങളില്‍ വിനാഗിരി ഒഴിച്ച് വൃത്തിയാക്കി എടുക്കുന്നതും മീന് മണം മാറ്റുവാന്‍ സഹായിക്കും.
4. കാപ്പിപ്പൊടി
കാപ്പിപ്പൊടി ഉപയോഗിച്ച് മീന് ക്ലീന്‍ ആക്കാന്‍ എടുത്ത പാത്രങ്ങള്‍ വൃത്തിയാക്കി എടുക്കുന്നത് നല്ലതാണ്. ഇത് മീന് മണം പോയികിട്ടുവാന്‍ സഹായിക്കും. ഇത് എല്ലാവര്‍ക്കും വീട്ടില്‍ തന്നെ പ്രയോഗിക്കാവുന്ന ഏറ്റവും എളുപ്പമുള്ള ട്രിക്കാണ്.
5. മീന് വേയ്സ്റ്റ് നീക്കം ചെയ്യാം
അടുക്കളിയില്‍ മീന് വേയ്സ്റ്റ് കിടക്കാതെ ശ്രദ്ധിക്കേണ്ടത് അനിവാര്യമാണ്. ഇത് കിടക്കും തോറും അടുക്കളയില് കൂടുതല്‍ മണം ഉണ്ടാകുന്നതിന് കാരണമാകും. അതുപോലെ, മീന് വൃത്തിയാക്കാന്‍ ഉപയോഗിച്ച പാത്രങ്ങളും കത്തിയും വേഗത്തില്‍ വൃത്തിയാക്കി എടുക്കുന്നതും നല്ലതാണ്.
6. സിട്രസ്സ് പഴങ്ങള്‍ ഉപയോഗിക്കാം
ഓറഞ്ച്, നാരങ്ങ എന്നിവ പൊളിഞ്ഞ് ഒരു പാത്രത്തില്‍ ചൂടാക്കിയാല്‍ അടുക്കളയില് ആ മണം നിലനില്‍ക്കുന്നതിന് സഹായിക്കും. ഇത് മീന് മണം ഇല്ലാതാക്കുകയും ചെയ്യും. അതുപോലെ കറുവാപ്പട്ട, റോസ്‌മേരി എന്നിവയെല്ലാം കത്തിക്കുന്നത് മുറിയില്‍ ഫ്രഷ് മണം നിലനില്‍ക്കാന്‍ സഹായിക്കുന്നവയാണ്.