തൊണ്ടവേദന പെട്ടെന്ന് മാറും; ഈ പൊടിക്കൈകൾ ചെയ്തുനോക്കൂ
പലരും നിസാരമായി കാണുന്ന ഒന്നാണ് തൊണ്ട വേദന. തണുത്ത വെള്ളം കുടിക്കുന്നതും, അന്തരീക്ഷ മലിനീകരണവുമെല്ലാം തൊണ്ട വേദന ഉണ്ടാകാന് കാരണമാകാറുണ്ട്. തൊണ്ടയില് ജലാംശം കുറയുന്നതാണ് ഇതിന്റെ പ്രധാന കാരണം. തൊണ്ട വേദന അകറ്റാൻ വീട്ടിൽ തന്നെ ചെയ്യാവുന്ന ചില പൊടിക്കെെകൾ ഇതാ.
1. കട്ടൻചായയിൽ ഇഞ്ചി ചേർത്ത് കുടിക്കുന്നത് തൊണ്ട വേദന ഇല്ലാതാക്കും. ഇഞ്ചിയുടെ ആയൂർവേദ ഗുണങ്ങളാണ് ഇതിന് സഹായിക്കുക. ഇതിൽ തുളസിയില ചേർക്കുന്നതും നല്ലതാണ്.
2. ചുക്ക് കാപ്പി കുടിക്കുന്നതും തൊണ്ട വേദനക്ക് അകറ്റാൻ നല്ലതാണ്. തൊണ്ടവേദന ഉണ്ടാക്കുന്ന വൈറസുകൾക്കെതിരെ ചുക്ക് പ്രവർത്തിക്കും.
3. ഒരു ഗ്ലാസ് തിളച്ച ചൂട് വെള്ളത്തിൽ അൽപം ചായ പൊടിയും നാരങ്ങ നീരും ചേർത്ത് തൊണ്ടയിൽ അൽപം ആവിപിടിക്കുന്നത് തൊണ്ടവേദന മാറാൻ സഹായിക്കും. ദിവസവും നാല് പ്രാവശ്യമെങ്കിലും ആവിപിടിക്കണം.
4. ഇഞ്ചിവേര് നന്നായി വൃത്തിയാക്കി, അഞ്ച് പത്തു മിനിറ്റ് ചൂടുവെള്ളത്തിലിട്ട ശേഷം കുടിച്ചാല് തൊണ്ടവേദന കുറയും. തൊണ്ട ഉണങ്ങാതിരിക്കാനും തൊണ്ടവേദന കുറയാനുമായി ധാരാളം വെള്ളം കുടിക്കുകയും വേണം.
5. വയമ്പ് അരച്ച് തൊണ്ടയില് പുരട്ടിയാല് തൊണ്ടവേദനയും ഒച്ചയടപ്പും മാറും.
6. ഒരു സ്പൂണ് ഉപ്പുചേര്ത്ത് ഒരു ഗ്ലാസ് വെള്ളത്തില് കാല് ചെറിയ സ്പൂണ് മഞ്ഞള്പ്പൊടി ചേര്ത്തു ചൂടാക്കി ഇളം ചൂടോടെ കവിള്ക്കൊള്ളുക.
7. ചുക്ക്, കുരുമുളക്, എന്നിവ സമം അരച്ചതിലേക്ക് തേനും ചേര്ത്ത് അലിയിച്ചു കഴിക്കുന്നതും തൊണ്ട വേദനയ്ക്ക് അകറ്റാൻ സഹായിക്കും.
8. കുരുമുളക് വെള്ളം കുടിക്കുന്നത് തൊണ്ട വേദന കുറയ്ക്കാൻ സഹായിക്കും.