ലോകത്തെ ശക്തമായ പാസ്പോർട്ടുകളുടെ പട്ടികയിൽ അടുത്തിടെ ഇന്ത്യൻ പാസ്പോർട്ടിന്  82-ാം സ്ഥാനം മാത്രമാണുള്ളത്. എന്താണ് പാസ്പോർട്ടുകളുടെ ശക്തി നിർണയിക്കുന്നതെന്നു ചിന്തിച്ചിട്ടുണ്ടോ ഏതുരാജ്യത്തെ പൗരന്മാർക്കാണോ പാസ്പോർട്ടുമായി ഏറ്റവും കൂടുതൽ രാജ്യങ്ങളിലേക്ക് വീസയില്ലാതെ സഞ്ചരിക്കാനാവുന്നത് ആ രാജ്യത്തെ പാസ്പോർട്ടാണ് ഏറ്റവും ശക്തം. അങ്ങനെ നോക്കുമ്പോൾ വീസയില്ലാതെ 195 രാജ്യങ്ങളിലേക്ക് സഞ്ചരിക്കാവുന്ന സിംഗപ്പൂരിന്റെ പാസ്പോർട്ടാണ് ഏറ്റവും ശക്തം. ഇന്ത്യക്കാർക്ക് 58 രാജ്യങ്ങളിലേക്ക് വീസയില്ലാതെ സഞ്ചരിക്കാനാവും. 

2024ലെ ഹെൻലെ പാസ്പോർട്ട് ഇൻഡക്സാണ് പാസ്പോർട്ടിന്റെ കരുത്തിൽ രാജ്യങ്ങളുടെ പട്ടിക തയ്യാറാക്കിയിരിക്കുന്നത്. ഇന്റർനാഷണൽ എയർ ട്രാൻസ്പോർട്ട് അസോസിയേഷന്റെ(IATA) കണക്കുകൾ പ്രകാരമാണ് റാങ്കിങ് തയ്യാറാക്കിയിരിക്കുന്നത്. ഇന്ത്യൻ പാസ്പോർട്ട് ഏറ്റവും ദുർബലമായത് കോവിഡ് രൂക്ഷമായ 2021ലായിരുന്നു. അന്ന് പട്ടികയിൽ ഇന്ത്യ 90-ാം സ്ഥാനത്തേക്കിറങ്ങിയിരുന്നു. ആഭ്യന്തരസംഘർഷങ്ങളും യുദ്ധവും തകർത്ത അഫ്ഗാനിസ്ഥാൻ, സിറിയ, ഇറാഖ്, യെമൻ എന്നിങ്ങനെയുള്ള രാജ്യങ്ങളാണ് ഈ പട്ടികയിൽ ഏറ്റവും പിന്നിലുള്ളത്. 

കഴിഞ്ഞ 19 വർഷമായി ഹെൻലെ പാസ്പോർട്ട് ഇൻഡക്സ് തയ്യാറാക്കുന്നുണ്ട്. ലോകം കാണാൻ ആഗ്രഹിക്കുന്ന യാത്രികർക്ക് ഇന്ത്യൻ പാസ്പോർട്ടിന്റെ കരുത്തിൽ വീസയില്ലാതെ പോവാനാവുന്ന രാജ്യങ്ങളെക്കുറിച്ചുള്ള ധാരണയും ഉണ്ടാവേണ്ടതു നല്ലതാണ്. ആഫ്രിക്ക, അമേരിക്ക, ഏഷ്യ, ഓഷ്യാനിയ എന്നിങ്ങനെ വിവിധ ഭാഗങ്ങളിലെ രാജ്യങ്ങൾ പട്ടികയിലുണ്ട്. ഓരോ രാജ്യത്തിലും ഇന്ത്യൻ പാസ്പോർട്ടുമായി വീസയില്ലാതെ കഴിയാൻ സാധിക്കുന്ന ദിവസങ്ങളുടെ എണ്ണവും വ്യത്യസ്ഥമാണ്. ഇന്ത്യക്കാർക്ക് വീസയില്ലാതെ പോകാനാവുന്ന ലോകരാജ്യങ്ങൾ. 

ആഫ്രിക്ക
അംഗോള(30 ഡേസ്), മൗറീഷ്യസ്(90 ദിവസം), റുവാണ്ട(30 ദിവസം), സെനഗൽ(90 ദിവസം). 

അമേരിക്ക
ബാർബഡോസ്(90 ദിവസം), ഡൊമിനിക് (ആറ് മാസം), എൽ സാൽവദോർ (90 ദിവസം), ഗ്രനാഡ (മൂന്ന് മാസം), ഹെയ്തി (മൂന്ന് മാസം), ജമൈക്ക, സെന്റ് കിറ്റ്സ് ആൻഡ് നെവിസ്(മൂന്ന് മാസം), സെന്റ് വിൻസെന്റ് ആൻഡ് ഗ്രെനഡൈൻസ്(മൂന്ന് മാസം), ട്രിനിഡാഡ് ആൻഡ് ടൊബാഗോ (90 ദിവസം). 

ഏഷ്യ
ഭൂട്ടാൻ, ഇറാൻ(15 ദിവസം), കസാഖിസ്ഥാൻ(14 ദിവസം), മലേഷ്യ(30 ദിവസം), മാലദ്വീപ്(90 ദിവസം), നേപ്പാൾ, ഒമാൻ (14 ദിവസം), ഖത്തർ(30 ദിവസം), തായ്ലൻഡ്(30 ദിവസം). 

ഓഷ്യാനിയ
ഫിജി(നാല് മാസം), കിരിബാട്ടി (90 ദിവസം), മൈക്രോനേഷ്യ (30 ദിവസം), സമോവ (60 ദിവസം), വാന്വാട്ടു (30 ദിവസം). 

വീസ ഫ്രീ രാജ്യങ്ങളിലേക്കു പോകുമ്പോൾ 
വീസ ഫ്രീ ഒക്കെയാണെങ്കിലും കയ്യും വീശി ഈ രാജ്യങ്ങളിലേക്കും പോവാനാവില്ല. അതിനും മുന്നൊരുക്കവും ആവശ്യത്തിനു രേഖകളും വേണം. ആദ്യം നിങ്ങളുടെ പാസ്പോർട്ടിന് യാത്രാ രേഖയ്ക്കു ശേഷം ആറു മാസം കാലാവധിയുണ്ടെന്ന് ഉറപ്പുവരുത്തുക. പല രാജ്യങ്ങളും നിശ്ചിത തുക നിക്ഷേപമുള്ളതിന്റെ രേഖകളും മടക്ക ടിക്കറ്റിന്റേയും താമസത്തിന്റേയും വിശദാംശങ്ങളുമൊക്കെ ചോദിക്കാറുണ്ട്. നിർബന്ധമല്ലെങ്കിലും ട്രാവൽ ഇൻഷുറൻസും യാത്രകളിലെ ദുരന്ത സാധ്യതകളുടെ ആഘാതം കുറയ്ക്കും. ഏതു നാട്ടിലേക്കു പോകുമ്പോഴും കസ്റ്റംസ് പരിശോധനയേയും നിയന്ത്രണങ്ങളേയും കുറിച്ച് അറിവുണ്ടാവണം.

ഇന്ത്യക്കാർക്ക് വീസയില്ലാതെ പോകാനാവുന്ന 58 ലോകരാജ്യങ്ങൾ

അംഗോള
ബാർബഡോസ്
ഭൂട്ടാൻ
ബൊളീവിയ
ബ്രിട്ടിഷ് വിർജിൻ ദ്വീപുകൾ
ബുറുണ്ടി (VOA)
കംബോഡിയ (VOA)
കേപ് വെർഡെ ദ്വീപുകൾ (VOA)
കൊമോറോ ദ്വീപുകൾ (VOA)
കുക്ക് ദ്വീപുകൾ
ജിബൂട്ടി (VOA)
ഡൊമിനിക്ക
എത്യോപ്യ (VOA)
ഫിജി
ഗ്രനേഡ
ഗിനിയ-ബിസാവു (VOA)
ഹെയ്തി
ഇന്തൊനേഷ്യ (VOA)
ഇറാൻ
ജമൈക്ക
ജോർദാൻ (VOA)
കസാക്കിസ്ഥാൻ
കെനിയ (ETA)
കിരിബതി
ലാവോസ് (VOA)
മക്കാവോ
മഡഗാസ്‌കർ
മലേഷ്യ
മാലദ്വീപ് (VOA)
മാർഷൽ ദ്വീപുകൾ (VOA)
മൗറിറ്റാനിയ (VOA)
മൗറീഷ്യസ്
മൈക്രോനേഷ്യ
മോണ്ട്‌സെറാറ്റ്
മൊസാംബിക് (VOA)
മ്യാൻമർ (VOA)
നേപ്പാൾ
നിയു
പലാവു ദ്വീപുകൾ (VOA)
ഖത്തർ (VOA)
റുവാണ്ട
സമോവ (VOA)
സെനഗൽ
സീഷെൽസ് (VOA)
സിയറ ലിയോൺ (VOA)
സൊമാലിയ (VOA)
ശ്രീലങ്ക (VOA)
സെന്റ് കിറ്റ്‌സ് ആൻഡ് നെവിസ്
സെന്റ് ലൂസിയ (VOA)
സെന്റ് വിൻസെന്റ് ആൻഡ് ഗ്രനേഡൈൻസ്
ടാൻസാനിയ (VOA)
തായ്‌ലൻഡ്
തിമോർ-ലെസ്റ്റെ (VOA)
ട്രിനിഡാഡ് ആൻഡ് ടൊബാഗോ
ടുണീഷ്യ
തുവാലു (VOA)
വനവാട്ടു
സിംബാബ്വെ (VOA)