2020-ലെ ഡൽഹി കലാപത്തിനിടെ ഐ.ബി. (Intelligence Bureau) ഉദ്യോഗസ്ഥൻ അങ്കിത് ശർമ്മയെ അതിക്രൂരമായി കൊലപ്പെടുത്തിയ കേസിൽ മുൻ എ.എ.പി. കൗൺസിലർ താഹിർ ഹുസൈനും മറ്റ് നാല് പേർക്കും ജീവപര്യന്തം തടവുശിക്ഷ വിധിച്ചു. അഡീഷണൽ സെഷൻസ് ജഡ്ജി പ്രവീൺ സിങ്ങാണ് കേസിൽ വിധി പ്രസ്താവിച്ചത്.

രക്തദാഹികളായ ഒരു കൊലയാളി സംഘമാണ് ഇരയെ വധിച്ചതെന്നും അത്യന്തം ക്രൂരമായ കുറ്റകൃത്യമാണിതെന്നും കോടതി ചൂണ്ടിക്കാട്ടി. പ്രോസിക്യൂഷൻ താഹിർ ഹുസൈന് വധശിക്ഷയാണ് ആവശ്യപ്പെട്ടതെങ്കിലും പ്രതികൾക്ക് തിരുത്തലിന് അവസരമുണ്ടെന്ന് നിരീക്ഷിച്ച കോടതി വധശിക്ഷ നൽകാൻ വിസമ്മതിക്കുകയായിരുന്നു. കലാപത്തിനും കൊള്ളയ്ക്കും ആയുധങ്ങളുമായി നേതൃത്വം നൽകിയ ജനക്കൂട്ടത്തിലെ പ്രമുഖ അംഗമായിരുന്നു ഹുസൈൻ എന്ന് കോടതി വ്യക്തമാക്കി.