എയർ ഇന്ത്യ ടോക്യോ - ദില്ലി വിമാനം അടിയന്തരമായി കൊൽക്കത്തയിൽ ഇറക്കി. കാബിനകത്തെ താപനില ഉയർന്നതോടെയാണ് വിമാനം അടിയന്തരമായി ഇറക്കിയത്. ബോയിങ് 787 ഡ്രീംലൈനർ വിമാനത്തിലാണ് സാങ്കേതിക പ്രശ്നം ഉണ്ടായത്.

വിമാനം സുരക്ഷിതമായി കൊൽക്കത്തയിൽ ലാൻഡ് ചെയ്‌തെന്നും നിലവിൽ പരിശോധനകൾ നടത്തിവരികയാണെന്നും എയർ ഇന്ത്യ വക്താവ് പറഞ്ഞു. ഇന്ന് വൈകുന്നേരം ഡൽഹിയിലെത്തേണ്ട വിമാനമാണ് കൊൽക്കത്തയിൽ അടിയന്തരമായി ഇറക്കേണ്ടി വന്നത്. A1357 വിമാനം ടോക്കിയോയിൽ നിന്ന് ഉച്ചയ്ക്ക് 12.31നാണ് പറന്നുയർന്നത്. യാത്രക്കാരെ ഡൽഹിയിലെത്തിക്കാനുള്ള ബദൽ മാർഗം പരിശോധിച്ചുവരികയാണെന്ന് എയർ ഇന്ത്യ അധികൃതര് അറിയിച്ചു.