ന്ത്യയിൽ ക്രൈസ്തവ വിഭാഗങ്ങൾക്കെതിരായ ആക്രമണങ്ങൾ വർധിച്ചു വരുന്ന സാഹചര്യത്തിൽ പ്രധാനമന്ത്രി നരേന്ദ്ര മോദിക്ക് കത്തയച്ച് കെ സി വേണുഗോപാൽ . ക്രൈസ്തവർക്കെതിരായ ആക്രമണങ്ങൾ ഒറ്റപ്പെട്ട സംഭവങ്ങളല്ലെന്നും, ബോധപൂർവമായി വിദ്വേഷം പ്രചരിപ്പിക്കാനുള്ള ശ്രമങ്ങളുടെ ഭാഗമാണെന്നും കത്തിൽ ചൂണ്ടിക്കാട്ടുന്നു.

ഡൽഹി ഛത്തീസ്ഗഡ് ഉത്തർപ്രദേശ് മധ്യപ്രദേശ് തുടങ്ങിയ സംസ്ഥാനങ്ങളിൽ ക്രൈസ്തവർക്ക് നേരെ ക്രമണങ്ങൾ ഉണ്ടായി. പാലക്കാട് കുട്ടികളുടെ കരോൾ സംഘത്തിന് നേരെ ആക്രമണം ഉണ്ടായി.ഛത്തീസ്ഗഡിൽ മതപരിവർത്തനം ആരോപിച്ച് പള്ളികൾക്ക് നേരെ ആക്രമണം ഉണ്ടായി. പ്രധാനമന്ത്രിയുടെയും ഭരണകൂടത്തിന്റെയും മൗനം വിദ്വേഷമുണ്ടാക്കുന്നവർക്ക് ധൈര്യം നൽകിയെന്നും കത്തിൽ പറഞ്ഞു.

പുതുവത്സര ദിനാഘോഷങ്ങൾ അടുത്തിരിക്കെ, ക്രൈസ്തവർക്കെതിരായ ആക്രമണങ്ങൾ തടയാൻ സർക്കാർ പരമാവധി മുൻകരുതലുകൾ സ്വീകരിക്കണമെന്നും, ഇത്തരം സംഭവങ്ങൾ ആവർത്തിക്കാതിരിക്കാൻ അടിയന്തര നടപടികൾ വേണമെന്നും കെ. സി. വേണുഗോപാൽ കത്തിൽ ആവശ്യപ്പെട്ടു.