കനത്ത മഴയെ തുടർന്ന് ഒഡീഷയിലുണ്ടായ പ്രളയത്തിൽ മരിച്ചവരുടെ എണ്ണം 13 ആയി. പ്രളയബാധിതയെ തുടർന്ന് ഇന്ന് മൂന്ന് ജില്ലകളിലെ സ്‌കൂളുകൾക്ക് അവധി പ്രഖ്യാപിച്ചിരുന്നു.

ബാലസോർ, ഭദ്രക്, ജാജ്പൂർ, കിയോഞ്ജർ, മയൂർഭഞ്ച്, കേന്ദ്രപാര തുടങ്ങിയ ആറ് ജില്ലകളിലായി 7.85 ലക്ഷം പേരെ പ്രളയം ബാധിച്ചതായി ഉന്നത ഉദ്യോഗസ്ഥർ അറിയിച്ചു. വിവിധ നദികളിലെ ജലനിരപ്പ് ഉയർന്നതോടെ കൂടുതൽ പ്രദേശങ്ങളിൽ വെള്ളപ്പൊക്ക ഭീഷണിയും നിലനിൽക്കുന്നുണ്ട്.

ദുരന്തബാധിത ജില്ലകൾക്കായി മുഖ‍്യമന്ത്രി മോഹൻ ചരൺ മാജി 1,000 കോടി രൂപയുടെ ദുരിതാശ്വാസ പാക്കേജ് പ്രഖ‍്യാപിച്ചിട്ടുണ്ട്. ആവശ‍്യമെങ്കിൽ കൂടുതൽ തുക അനുവദിക്കുമെന്നും മുഖ‍്യമന്ത്രി കൂട്ടിച്ചേർത്തു.