കുടകിൽ ടിപ്പർ ലോറിയും കാറും കൂട്ടിയിടിച്ച് നാല് യുവാക്കൾ മരണപ്പെട്ടു
കർണാടകയിലെ കുടകിൽ വാഹനാപകടത്തിൽ നാല് മരണം. ടിപ്പർ ലോറിയും കാറും കൂട്ടിയിടിച്ചായിരുന്നു അപകടം.മടിക്കേരിയിലെ ദേവരക്കൊല്ലി എന്ന സ്ഥലത്താണ് അപകടം ഉണ്ടായത്. ഗോണിക്കൊപ്പൽ സ്വദേശികളായ നാല് യുവാക്കളാണ് അപകടത്തിൽ മരിച്ചത്. നിഹാദ്, റിസ്വാൻ, റാക്കിബ്, റിഷു എന്നിവരാണ് മരിച്ചത്. കാറിലുണ്ടായിരുന്നവരാണ് മരിച്ച നാല് പേരും. ഇവരുടെ മൃതദേഹം സുള്ളിയ ആശുപത്രിയിലേക്ക് മാറ്റി.