കോൺഗ്രസ് നേതാവ് യും മുഖ്യമന്ത്രി വി.ഡി. സതീശനും തമ്മിലുള്ള കൂടിക്കാഴ്ച അവസാനിച്ചു. കൂടിക്കാഴ്ചയ്ക്ക് ശേഷം മുഖ്യമന്ത്രി കേരള ഹൗസിലേക്ക് മടങ്ങി. കൂടിക്കാഴ്ചയെക്കുറിച്ച് മാധ്യമപ്രവർത്തകരുടെ ചോദ്യങ്ങളോട് വി.ഡി. സതീശൻ പ്രതികരിച്ചില്ല.

കേരളത്തിലെ കെപിസിസി അധ്യക്ഷൻ വൈകരുതെന്ന നിലപാട് മുഖ്യമന്ത്രി രാഹുൽ ഗാന്ധിയെ അറിയിച്ചതായാണ് വിവരം. മുഴുവൻ സമയ കെപിസിസി അധ്യക്ഷനെ  ഉടൻ നിയമിക്കണമെന്നാണ് സതീശന്റെ ആവശ്യം. തീരുമാനം വൈകില്ലെന്ന് രാഹുൽ ഗാന്ധി മറുപടി നൽകിയതായും സൂചനയുണ്ട്.

അതേസമയം, പി.എം. ശ്രീ പദ്ധതി സംബന്ധിച്ച് കൂടിക്കാഴ്ചയിൽ ചർച്ച നടന്നില്ലെന്നാണ് വിവരം. കേരളത്തിൽ പദ്ധതി നടപ്പാക്കേണ്ടെന്ന നിലപാടിൽ എ.ഐ.സി.സി നേതൃത്വം ഉറച്ചുനിൽക്കുന്നതായാണ് സൂചന. പി.എം. ശ്രീ വിദ്യാഭ്യാസ മേഖലയിലേക്ക് ആർ.എസ്.എസ് അജണ്ട നടപ്പാക്കാനുള്ള നീക്കമാണെന്നാണ് കോൺഗ്രസ് നേതൃത്വത്തിന്റെ നിലപാട്. എ.ഐ.സി.സി ജനറൽ സെക്രട്ടറി കെ.സി. വേണുഗോപാലും കഴിഞ്ഞ ദിവസം ഇക്കാര്യം വ്യക്തമാക്കിയിരുന്നു.

പിഎം ശ്രീ നടപ്പാക്കണമെന്നാണ് വി.ഡി. സതീശന്റെ നിലപാട്. കെപിസിസി രാഷ്ട്രീയ കാര്യ സമിതിയിൽ അദ്ദേഹം ഇക്കാര്യം വ്യക്തമാക്കുകയും ചെയ്തു. കേന്ദ്രത്തിൽ നിന്ന് ഫണ്ട് ഉറപ്പാക്കണമെങ്കിൽ പിഎം ശ്രീ ഒപ്പിടണമെന്ന് അദ്ദേഹം പറയുന്നു. പിഎം ശ്രീ ഒപ്പിടുന്നതിൽ വ്യക്തത തേടി കേന്ദ്രവും കത്തയച്ചിരുന്നു.