ഡൽഹിയിലെ വിദ്യാർഥി സമരവുമായി ബന്ധപ്പെട്ട് സെപ്റ്റംബർ അഞ്ചിന് നടത്താനിരുന്ന മാർച്ച് സിജെപി പിൻവലിച്ചു. ചോദ്യപേപ്പർ ചോർച്ചയെ തുടർന്ന് ജീവനൊടുക്കിയ വിദ്യാർഥികളുടെ കുടുംബങ്ങൾക്ക് സഹായധനം നൽകാൻ കേന്ദ്രം അനുകൂല നിലപാട് സ്വീകരിച്ചതിന് പിന്നാലെയാണ് തീരുമാനം. കേസുകൾ പിൻവലിക്കുമെന്ന ഉറപ്പിന്മേലും സമരത്തിനിടെ മരണപ്പെട്ട കുട്ടികളുടെ കുടുംബങ്ങൾക്ക് നഷ്ടപരിഹാരം നൽകുമെന്ന കേന്ദ്രത്തിന്റെ ഉറപ്പിന്മേലും സെപ്റ്റംബർ അഞ്ചിന് നടത്താനിരുന്ന പ്രതിഷേധ സമരം കോക്രോച്ച് ജനതാ പാർട്ടിമാർച്ച് പിൻവലിക്കുന്നതായി സിജെപി വക്താവ് സൗരവ് ദാസ് സുപ്രീംകോടതിയിൽ നേരിട്ട് ഹാജരായി അറിയിച്ചു.

സമരത്തിൽ പങ്കെടുത്ത വിദ്യാർഥികൾക്കും മറ്റ് കുറ്റകൃത്യങ്ങളിൽ ഉൾപ്പെടാത്തവർക്കുമെതിരെയുള്ള എഫ്ഐആറുകൾ പിൻവലിക്കാമെന്ന് കേന്ദ്രസർക്കാർ ഉറപ്പ് നൽകിയിട്ടുണ്ട്. കൊലപാതകം, പോക്സോ, ബലാത്സംഗം തുടങ്ങിയ ഗുരുതരമായ കുറ്റകൃത്യങ്ങളിലും ക്രിമിനൽ പശ്ചാത്തലങ്ങളിലും ഉൾപ്പെട്ട 2873 പ്രതികളുടെ എഫ്ഐആറുകൾ പിൻവലിക്കുമെന്നും കേന്ദ്രം വ്യക്തമാക്കി.

നഷ്ടപരിഹാരത്തിന്റെ മാനദണ്ഡങ്ങളും നടപടിക്രമങ്ങളും തീരുമാനിക്കാൻ മൂന്ന് മാസം സമയം വേണമെന്ന് സോളിസിറ്റർ ജനറൽ തുഷാർ മേത്ത കോടതിയിൽ ആവശ്യപ്പെട്ടു. സിജെപി നേതാക്കൾക്ക് നേരത്തെ നൽകിയ ഉറപ്പുകൾ പാലിക്കാൻ കേന്ദ്രം പ്രതിജ്ഞാബദ്ധമാണെന്നും വിദ്യാർഥികളുടെ കുടുംബങ്ങൾക്ക് നഷ്ടപരിഹാരം നൽകുമെന്ന് കേന്ദ്രമന്ത്രിമാർ ഉറപ്പ് നൽകിയിട്ടുണ്ടെന്നും അദ്ദേഹം വ്യക്തമാക്കി.