ജപ്പാനിലെ ഐച്ചി നാഗോയയിൽ നടക്കുന്ന ഏഷ്യൻ ഗെയിംസ് കരാട്ടെ മത്സരത്തിൽ ഖത്തറിന് രണ്ടാമത്തെ മെഡൽ നേട്ടം. പുരുഷന്മാരുടെ 84 കിലോയിൽ താഴെയുള്ളവരുടെ വിഭാഗത്തിൽ ഖത്തറിന്റെ അബ്ദുള്ള റഷാദ് വെങ്കല മെഡൽ സ്വന്തമാക്കി. ചൊവ്വാഴ്ച നടന്ന മത്സരത്തിൽ ഫലസ്തീന്റെ അബ്ദുള്ള അൽ ഖതീബിനെ 8-0 എന്ന വ്യക്തമായ സ്കോറിനാണ് റഷാദ് കീഴടക്കിയത്.

കഴിഞ്ഞ ദിവസം പുരുഷന്മാരുടെ 60 കിലോ വിഭാഗത്തിൽ ഖത്തറിന്റെ അബ്ദുറഹ്മാൻ മുസ്തഫ വെള്ളി മെഡൽ നേടിയിരുന്നു. ഇതിന് പിന്നാലെയാണ് റഷാദിലൂടെ ഖത്തർ വീണ്ടും മെഡൽ പട്ടികയിൽ ഇടംപിടിച്ചത്. ഇതോടെ ഈ ഏഷ്യൻ ഗെയിംസ് കരാട്ടെയിൽ ഒരു വെള്ളിയും ഒരു വെങ്കലവും ഉൾപ്പെടെ രണ്ട് മെഡലുകൾ ഖത്തർ ടീം കരസ്ഥമാക്കി.