ലോക ബാഡ്മിന്റൺ ചാമ്പ്യൻഷിപ്സിന്റെ വനിതാ ഡബിൾസ് ഫൈനലിൽ കടന്ന് സ്വർണമോ വെള്ളിയോ സ്വന്തമാക്കുന്ന ആദ്യ ഇന്ത്യൻ സഖ്യമെന്ന ചരിത്രനേട്ടത്തിന് തൊട്ടരികെ മലയാളി താരം ട്രീസ ജോളിയും ഗായത്രി ഗോപീചന്ദും പൊരുതിവീണു. സെമി ഫൈനലിൽ ലോക ഒന്നാം നമ്പർ ചൈനീസ് സഖ്യമായ ടാൻ നിങ് - ലിയു ഷെങ്ഷു ജോഡിയോടാണ് ഇന്ത്യൻ സഖ്യം തോൽവി സമ്മതിച്ചത്. തോറ്റെങ്കിലും വെങ്കല മെഡലോടെയാണ് ഇരുവരുടെയും മടക്കം.

ആദ്യ സെറ്റ് 21-18 ന് നേടി ഇന്ത്യ അവിശ്വസനീയമായ തുടക്കമിട്ടെങ്കിലും, തുടർന്നുള്ള രണ്ട് സെറ്റുകളും (13-21, 8-21) സ്വന്തമാക്കി ചൈനീസ് സഖ്യം ഫൈനലിലേക്ക് മുന്നേറി. നീണ്ട റാലികളും അത്യുഗ്രൻ സ്മാഷുകളും നിറഞ്ഞതായിരുന്നു സെമി പോരാട്ടം. ക്വാർട്ടർ ഫൈനലിൽ ചൈനയുടെ തന്നെ നാലാം സീഡ് സഖ്യമായ ജിയ യി ഫാൻ - ഷാങ് ഷു ഷിയാൻ ജോഡിയെ തകർത്താണ് ട്രീസയും ഗായത്രിയും സെമിയിലെത്തിയത്.

2011-ൽ അശ്വിനി പൊന്നപ്പ - ജ്വാല ഗുട്ട സഖ്യം വെങ്കലം നേടിയതിന് ശേഷം ഇതാദ്യമായാണ് ഒരു ഇന്ത്യൻ വനിതാ ഡബിൾസ് സഖ്യം ലോക ബാഡ്മിന്റൺ ചാമ്പ്യൻഷിപ്പിൽ മെഡൽ നേടുന്നത്.