ഇന്ത്യൻ ക്രിക്കറ്റ് താരം പൃഥ്വി ഷായും നടിയും സോഷ്യൽ മീഡിയ ഇൻഫ്ലുവൻസറുമായ ആകൃതി അഗർവാളും വേർപിരിയുന്നതായി പ്രഖ്യാപിച്ചു. ഇൻസ്റ്റഗ്രാമിൽ പങ്കുവെച്ച കുറിപ്പിലൂടെ ആകൃതിയാണ് വിവാഹനിശ്ചയം കഴിഞ്ഞ് ആറുമാസത്തിന് ശേഷമുള്ള ഈ വേർപിരിയൽ വിവരം അറിയിച്ചത്.

ഭാവിയെക്കുറിച്ചുള്ള വ്യത്യസ്ത ലക്ഷ്യങ്ങളും നിലവിലെ സാഹചര്യങ്ങളുമാണ് തീരുമാനത്തിന് പിന്നിലെന്ന് അവർ വ്യക്തമാക്കി. ദീർഘനാളത്തെ പ്രണയത്തിന് ശേഷം ഈ വർഷം മാർച്ചിലായിരുന്നു ഇവരുടെ വിവാഹനിശ്ചയം നടന്നിരുന്നത്.

താൻ നിരവധി തവണ ചതിക്കപ്പെട്ടുവെന്ന തരത്തിൽ ആകൃതി മുൻപ് ഇൻസ്റ്റഗ്രാമിൽ പങ്കുവെച്ച സ്റ്റോറിയും, മറ്റൊരു സോഷ്യൽ മീഡിയ ഇൻഫ്ലുവൻസറുമായി പൃഥ്വി ഷായ്ക്ക് ബന്ധമുണ്ടെന്ന പ്രചാരണങ്ങളും ഈ വേർപിരിയലുമായി ബന്ധപ്പെട്ട് നേരത്തെ പുറത്തുവന്നിരുന്നു. ഈ പ്രയാസകരമായ സമയത്ത് തങ്ങളുടെ സ്വകാര്യതയെ മാനിക്കണമെന്നും ഊഹാപോഹങ്ങൾ ഒഴിവാക്കണമെന്നും ആകൃതി എല്ലാവരോടും അഭ്യർത്ഥിച്ചു.