നോർവേയ്‌ക്കെതിരായ ക്വാർട്ടർ ഫൈനൽ മത്സരത്തിനു പിന്നാലെ ഫിഫ ലോകകപ്പ് പവർ റാങ്കിങ്ങിൽ ലയണൽ മെസ്സിയെ മറികടന്ന് ഇംഗ്ലീഷ് താരം ജൂഡ് ബെല്ലിങ്ങാം. നോർവേയ്‌ക്കെതിരേ രണ്ട് ഗോളുകൾ നേടിയതോടെ മെസ്സിയെ പിന്തള്ളി ബെല്ലിങ്ങാം രണ്ടാം സ്ഥാനത്തെത്തി. 8.25 അറ്റാക്കിങ് സ്‌കോറോടെയാണ് ബെല്ലിങ്ങാം രണ്ടാം സ്ഥാനത്തെത്തിയിരിക്കുന്നത്. 8.07 അറ്റാക്കിങ് സ്‌കോറുള്ള മെസ്സി മൂന്നാം സ്ഥാനത്താണ്. 8.97 അറ്റാക്കിങ് സ്‌കോറുമായി കിലിയൻ എംബാപ്പെയാണ് ഒന്നാം സ്ഥാനത്ത്.ഗോളവസരങ്ങൾ സൃഷ്ടിക്കുന്നതിൽ 8.30 ക്രിയേറ്റിവിറ്റി സ്‌കോറുമായി ഫ്രാൻസിന്റെ മൈക്കൽ ഒലീസെയാണ് ഒന്നാം സ്ഥാനത്ത്. ക്രിയേറ്റിവിറ്റി സ്‌കോർ റാങ്കിങ്ങിൽ 7.65 സ്‌കോറുമായി എംബാപ്പെ നാലാമതുണ്ട്.

സ്വിറ്റ്‌സർലൻഡിനെതിരായ ക്വാർട്ടറിൽ ഗോളടിക്കാൻ സാധിക്കാതിരുന്നതാണ് മെസ്സിക്ക് റാങ്കിങ്ങിൽ തിരിച്ചടിയായത്. ഈ ലോകകപ്പിൽ മെസ്സി ഗോളടിക്കാതിരുന്ന ആദ്യ മത്സരമായിരുന്നു ഇത്. ക്രിയേറ്റിവിറ്റി റാങ്കിങ്ങിൽ 7.41 സ്‌കോറുമായി മെസ്സി ആറാം സ്ഥാനത്താണ്.