2026-ലെ പിക്ക്ൾബോൾ ലോകകപ്പിൽ ഇന്ത്യയ്ക്ക് ചരിത്രനേട്ടം. പുരുഷന്മാരുടെ സിംഗിൾസ് 4.5 വിഭാഗത്തിൽ ഇന്ത്യയുടെ കൗമാര താരം കിയാൻ കോൺട്രാക്ടർ വെള്ളി മെഡൽ സ്വന്തമാക്കി. നിലവിലെ ലോകകപ്പിൽ ഇന്ത്യ നേടുന്ന ആദ്യ മെഡലാണിത്.

ആവേശകരമായ ഫൈനൽ പോരാട്ടത്തിൽ വിയറ്റ്‌നാമിന്റെ ഫാം തുംഗ് ദുയോങ്ങിനോട് പോരാടിയാണ് കിയാൻ കീഴടങ്ങിയത്. നോക്കൗട്ട് ഘട്ടങ്ങളിലുടനീളം മികച്ച പ്രകടനം കാഴ്ചവെച്ചാണ് ഇന്ത്യൻ താരം ഫൈനലിൽ പ്രവേശിച്ചത്. എന്നാൽ ഫൈനലിൽ വിയറ്റ്‌നാം താരം മികച്ച കളി പുറത്തെടുത്തതോടെ കിയാന് വെള്ളി മെഡൽ കൊണ്ട് തൃപ്തിപ്പെടേണ്ടി വന്നു.

കഴിഞ്ഞ വർഷത്തെ ലോകകപ്പിൽ രണ്ട് വെങ്കല മെഡലുകൾ നേടിയ കിയാൻ കോൺട്രാക്ടർ, പിക്ക്ൾബോളിൽ ഇന്ത്യയുടെ ഏറ്റവും വിജയകരമായ താരങ്ങളിൽ ഒരാളാണ്.