പുരുഷ ഹോക്കി ലോകകപ്പിൽ നിന്ന് ഇന്ത്യ പുറത്തായി. പൂൾ ഇ-യിലെ നിർണായകമായ അവസാന മത്സരത്തിൽ അർജന്റീനയോട് 3-5 എന്ന സ്കോറിന് പരാജയപ്പെട്ടതോടെയാണ് ഇന്ത്യയുടെ സെമി ഫൈനൽ പ്രതീക്ഷകൾ അവസാനിച്ചത്. ആംസ്റ്റൽവീനിലെ വാഗനർ സ്റ്റേഡിയത്തിൽ നടന്ന മത്സരത്തിൽ തോറ്റതോടെ ഇന്ത്യ ഗ്രൂപ്പിൽ അവസാന സ്ഥാനത്താണ് ഫിനിഷ് ചെയ്തത്.

മത്സരം തുടങ്ങി 39-ാം സെക്കൻഡിൽ ജോക്വിൻ ടോസ്കാനിയിലൂടെ അർജന്റീനയാണ് ആദ്യം ലീഡ് നേടിയത്. പിന്നാലെ നിക്കോളാസ് ഡി ലാ ടോറെയിലൂടെ അർജന്റീന ലീഡ് ഇരട്ടിയാക്കിയെങ്കിലും ഒമ്പതാം മിനിറ്റിൽ സുഖ്ജീത് സിങ് ഇന്ത്യയ്ക്കായി ഒരു ഗോൾ മടക്കി. എന്നാൽ രണ്ടാം പകുതിയിൽ തോമസ് ഡൊമെനെ നേടിയ രണ്ട് ഗോളുകളും ലൂക്കാസ് ടോസ്കാനിയുടെ ഗോളും ചേർന്ന് സ്കോർ 5-1 എന്ന നിലയിലാക്കി.

അവസാന മിനിറ്റുകളിൽ സുഖ്ജീത് സിങ്ങും ഹാർദിക് സിങ്ങും ഇന്ത്യയ്ക്കായി ഗോളുകൾ നേടിയെങ്കിലും തോൽവി ഒഴിവാക്കാനായില്ല. ടൂർണമെന്റിൽ ഇനി ഏഴാം സ്ഥാനത്തിനായുള്ള മത്സരത്തിൽ ഇന്ത്യ ആതിഥേയരായ ബെൽജിയത്തെ നേരിടും.