സ്പാനിഷ് ലാലിഗയിൽ മുൻ ചാമ്പ്യന്മാരായ റയൽ മാഡ്രിഡിന് അപ്രതീക്ഷിത തോൽവി. എവേ പോരാട്ടത്തിൽ റയൽ ബെറ്റിസാണ് മറുപടിയില്ലാത്ത ഒരു ഗോളിന് വമ്പന്മാരായ റയലിനെ ഞെട്ടിച്ചത്. മത്സരത്തിന്റെ അവസാന നിമിഷങ്ങളിൽ സമനില പിടിക്ക ലഭിച്ച പെനാൽറ്റി സൂപ്പർ താരം കിലിയൻ എംബാപ്പെ പാഴാക്കിയത് റയലിന് വലിയ തിരിച്ചടിയായി.

മത്സരത്തിലുടനീളം ഇരുസംഘങ്ങളും മികച്ച മുന്നേറ്റങ്ങൾ നടത്തിയെങ്കിലും 81-ാം മിനിറ്റിലാണ് മത്സരത്തിലെ ഏക ഗോൾ പിറന്നത്. ബെറ്റിസിന് ലഭിച്ച കോർണറിൽ നിന്ന് നെൽസൺ ഡിയോസ് തൊടുത്ത ഹെഡ്ഡർ റയൽ ഗോൾകീപ്പർ തിബോ കോർട്ടുവ തടുത്തെങ്കിലും, റീബൗണ്ട് വന്ന പന്ത് ട്രോയ് പാരറ്റ് വലയിലാക്കുകയായിരുന്നു. ഇതിനിടെ റയൽ ഒരു ഗോൾ മടക്കിയെങ്കിലും ഓഫ് സൈഡ് വിളിക്കപ്പെട്ടു.

തുടർന്ന് ഇഞ്ചുറി ടൈമിൽ വിനീഷ്യസ് ജൂനിയറിനെ ബോക്സിൽ വീഴ്ത്തിയതിന് റയലിന് അനുകൂലമായി പെനാൽറ്റി ലഭിച്ചു. എന്നാൽ കിക്കെടുത്ത എംബാപ്പെയുടെ ഷോട്ട് ബെറ്റിസ് ഗോൾകീപ്പർ ആൽവരോ വാലെസ് തടഞ്ഞിട്ടതോടെ റയലിന്റെ സമനില പ്രതീക്ഷകൾ അവസാനിക്കുകയായിരുന്നു.