ന്യൂസീലൻഡിനെതിരായ ആദ്യ ട്വന്റി-20 മത്സരത്തിൽ ക്യാപ്റ്റൻ ശ്രേയസ് അയ്യർക്കും സംഘത്തിനും നിർണായക പരീക്ഷണം. വിൻഡീസിനെതിരായ പരമ്പര സമനിലയിൽ അവസാനിച്ചതിന് ശേഷം കിവീസ് മണ്ണിലെത്തുന്ന ഇന്ത്യക്ക് ഈ പരമ്പര വലിയ വെല്ലുവിളിയാണ്. മത്സരം ഇന്ന് ഉച്ചയ്ക്ക് 12.30-ന് ആരംഭിക്കും.

അടുത്തകാലം വരെ ട്വന്റി-20യിലെ അജയ്യശക്തികളായിരുന്ന ഇന്ത്യ നിലവിൽ അൽപ്പം പ്രവചനാതീതമായ പ്രകടനമാണ് കാഴ്ചവെക്കുന്നത്. അതിശക്തമായ ബാറ്റിങ് നിരയും ശരാശരിയിൽ താഴെയുള്ള ബൗളിങ് നിരയുമാണ് ടീമിന്റെ അവസ്ഥ. ന്യൂസീലൻഡിലെ കടുപ്പമേറിയ പിച്ചുകളിൽ ബാറ്റിങ് നിരയുടെ പ്രകടനമായിരിക്കും മത്സരഫലം നിർണയിക്കുക. പരിക്കുമാറി സ്പിന്നർ വരുൺ ചക്രവർത്തിയുടെയും വെറ്ററൻ പേസർ ഭുവനേശ്വർ കുമാറിന്റെയും തിരിച്ചുവരവ് ടീമിന് കരുത്ത് പകരുന്നുണ്ട്.

ഓപ്പണിങ്ങിൽ സഞ്ജു സാംസൺ - അഭിഷേക് ശർമ കൂട്ടുകെട്ടും, പിന്നാലെ ഇഷാൻ കിഷൻ, ശ്രേയസ് അയ്യർ, തിലക് വർമ എന്നിവരും അടങ്ങുന്നതാണ് ബാറ്റിങ് നിര. ഒപ്പം ശിവം ദുബെ, നിധീഷ് കുമാർ റെഡ്ഡി, അക്‌സർ പട്ടേൽ എന്നീ ഓൾറൗണ്ടർമാരും അണിനിരക്കും. മറുവശത്ത്, ഫിൻ അലൻ, ടിം സെയ്‌ഫെർട്ട്, ഡെവൺ കോൺവെ, ക്യാപ്റ്റൻ മിച്ചൽ സാന്റ്‌നർ തുടങ്ങിയ പ്രമുഖരുള്ള ശക്തമായ നിരയാണ് ന്യൂസീലൻഡിന്റേത്.