ദേ​ശീ​യ, അ​ന്ത​ര്‍ദേ​ശീ​യ​ ത​ല​ത്തി​ല്‍ കേ​ര​ള​ത്തി​ന് അ​ഭിമാ​ന​മാ​യ കാ​യി​ക​താ​ര​ങ്ങ​ൾ​ക്ക് ക​ഴി​ഞ്ഞ എ​ട്ടു​മാ​സ​മാ​യി സംസ്ഥാന സർക്കാർ ഭ​ക്ഷ​ണത്തിനുള്ള പണം ന​ൽ​കുന്നില്ലെന്ന് പരാതി. സം​സ്ഥാ​ന സ്പോ​ർ​ട്സ് കൗ​ൺ​സി​ലി​ന്റെ കീ​ഴി​ൽ പ്ര​വ​ർ​ത്തി​ക്കു​ന്ന ഹോ​സ്റ്റ​ലു​ക​ളിൽ താമസിക്കുന്ന 2000 ത്തോ​ളം കാ​യി​ക​താ​ര​ങ്ങ​ൾക്കുള്ള ബാറ്റയാണ് നൽകാത്തത്. ഒ​രു കാ​യി​ക​താ​ര​ത്തി​ന് പ്ര​തി​ദി​നം 250 രൂ​പയാണ് ഭ​ക്ഷ​ണ​ത്തി​നുള്ള ബാ​റ്റയായി അ​നു​വ​ദി​ച്ചി​ട്ടു​ള്ള​ത്.

കോ​ള​ജ് ത​ല​ത്തി​ല്‍ എ​യ്ഡ​ഡ് കോ​ള​ജു​ക​ളോ​ട് അ​നു​ബ​ന്ധി​ച്ച് 50ല്‍ ​കൂ​ടു​ത​ല്‍ സ്‌​പോ​ര്‍ട്‌​സ് ഹോ​സ്റ്റ​ലു​ക​ളും സ്‌​കൂ​ള്‍ത​ല​ത്തി​ല്‍ 50ല്‍ ​താ​ഴെ ഹോ​സ്റ്റ​ലു​ക​ളു​മാ​ണു​ള്ള​ത്. ശ​രാ​ശ​രി 30 വി​ദ്യാ​ര്‍ഥി​ക​ള്‍ പ​രി​ശീ​ല​നം ന​ട​ത്തു​ന്ന ഒ​രു സ്‌​പോ​ര്‍ട്‌​സ് ഹോ​സ്റ്റ​ലി​ല്‍ ഭ​ക്ഷ​ണ അ​ല​വ​ന്‍സ് പ്ര​തി​ദി​നം 7500 രൂ​പ​യാ​ണ് ല​ഭി​ക്കേ​ണ്ട​ത്. ഒ​രു മാ​സം ഇ​ത് 2.25 ല​ക്ഷം രൂ​പ. ഇ​ത്ത​ര​ത്തി​ല്‍ എ​ട്ടു​മാ​സ​മാ​യി മാ​സ​ത്തെ പ​ണ​മാ​യി നാ​ലു​കോ​ടി​യോ​ളം രൂ​പ​യാ​ണ് കാ​യി​ക​വ​കു​പ്പ് ന​ൽ​കാ​നു​ള്ള​തെ​ന്നാ​ണ് വി​വ​രം.

പാ​വ​പ്പെ​ട്ട കു​ടും​ബ​ങ്ങ​ളി​ൽ​നി​ന്നു​ള്ള വി​ദ്യാ​ര്‍ഥി​ക​ളാ​ണ് സ്‌​പോ​ര്‍ട്‌​സ് ഹോ​സ്റ്റ​ലു​ക​ളി​ല്‍ ക​ഴി​യു​ന്ന​വ​രി​ൽ അധികവും. പ​ല കാ​യി​കാ​ധ്യാ​പ​ക​രും ക​ടം വാ​ങ്ങി​യും കാ​ന്‍റീ​നി​ല്‍ ക​ടം പ​റ​ഞ്ഞു​മാ​ണ് ഇ​തു​വ​രെ ഭക്ഷണം കഴിച്ചത്. പ​ണം ല​ഭി​ക്കാ​തെയായതോടെ ക​ട​ക്കാ​രെ ഭ​യ​ന്ന് പ​ല​ കു​ട്ടി​ക​ളെയും വീ​ട്ടു​ക​ളി​ലേ​ക്ക് അ​യ​ച്ച് ഹോ​സ്റ്റ​ലു​ക​ൾ അ​ട​ച്ചു​പൂ​ട്ടി​യി​ട്ടി​രി​ക്കു​ക​യാ​ണ്.താ​ര​ങ്ങ​ൾ​ക്ക് വ​ർ​ഷം​തോ​റും ന​ൽ​കാ​റു​ള്ള സ്പോ​ർ​ട്സ് കി​റ്റും ക​ഴി​ഞ്ഞ മൂ​ന്നു​വ​ർ​ഷ​മാ​യി ന​ൽ​കു​ന്നി​ല്ല. ആ​കെ ന​ൽ​കി​യ​ത് ഒ​രു ജ​ഴ്സി​യും ട്രാ​ക്ക് സ്യൂ​ട്ടും മാ​ത്രമാണ്.

അ​തേ​സ​മ​യം താ​ര​ങ്ങ​ൾ​ക്ക് ന​ൽ​കാ​നു​ള്ള തു​ക ധ​ന​വ​കു​പ്പ് അ​നു​വ​ദി​ച്ചി​ട്ടു​ണ്ടെ​ന്നും അ​ടു​ത്ത മാ​സം 20ന് ​മു​മ്പാ​യി വി​ത​ര​ണം ചെ​യ്യു​മെ​ന്നും കാ​യി​ക​മ​ന്ത്രി​യു​ടെ ഓ​ഫി​സ് അ​റി​യി​ച്ചു.