കേരളത്തിലെ ക്രിക്കറ്റ് പ്രേമികൾക്ക് ആവേശവാർത്തയുമായി ബി.സി.സി.ഐ (BCCI). വെസ്റ്റ് ഇൻഡീസിന്റെ ഇന്ത്യൻ പര്യടനത്തിലെ ആദ്യ ഏകദിന മത്സരത്തിന് തിരുവനന്തപുരം ഗ്രീൻഫീൽഡ് ഇന്റർനാഷണൽ സ്റ്റേഡിയം വേദിയാകും. 2026-27 രാജ്യാന്തര ഹോം സീസണിന്റെ ഭാഗമായി പുറത്തുവിട്ട മത്സരക്രമം അനുസരിച്ച് സെപ്റ്റംബർ 27-നാണ് കാര്യവട്ടത്ത് ആദ്യ പോരാട്ടം നടക്കുക. മൂന്ന് ഏകദിനങ്ങളും അഞ്ച് ട്വന്റി20 മത്സരങ്ങളുമാണ് വിൻഡീസ് പര്യടനത്തിലുള്ളത്.

മത്സരക്രമം ചുരുക്കത്തിൽ:

മൂന്ന് വർഷത്തെ ഇടവേളയ്ക്ക് ശേഷമാണ് കാര്യവട്ടത്തേക്ക് ഒരു ഏകദിന മത്സരം എത്തുന്നത്. 2023 ജനുവരിയിൽ നടന്ന ഇന്ത്യ-ശ്രീലങ്ക ഏകദിനത്തിന് ശേഷം ഇതാദ്യമായാണ് ഈ ഫോർമാറ്റിലുള്ള കളി തിരുവനന്തപുരത്ത് നടക്കുന്നത്. ഈ വർഷം ജനുവരി 31-ന് നടന്ന ഇന്ത്യ-ന്യൂസീലൻഡ് ടി20 മത്സരത്തിന് ശേഷം ഗ്രീൻഫീൽഡ് സ്റ്റേഡിയത്തിൽ നടക്കുന്ന ആദ്യ രാജ്യാന്തര മത്സരം കൂടിയാണിത്. വിൻഡീസ് ടീമിന്റെ കരുത്തും ഇന്ത്യയുടെ ഹോം ഗ്രൗണ്ടിലെ ആധിപത്യവും നേരിൽ കാണാൻ സാധിക്കുമെന്നത് കായിക കേരളത്തിന് വലിയ ആവേശം പകരുന്നു.