കുട്ടികളുടെ ഡിജിറ്റൽ സുരക്ഷ ഉറപ്പുവരുത്തുന്നതിനും അവരുടെ അക്കൗണ്ടുകൾ ഹാക്കിംഗിൽ നിന്നും ദുരുപയോഗങ്ങളിൽ നിന്നും സംരക്ഷിക്കുന്നതിനായി ഫോണുകൾക്ക് ശക്തമായ പാസ്‌വേഡുകൾ നൽകണമെന്ന് ബഹ്‌റൈൻ ആന്റി കറപ്ഷൻ ആൻഡ് ഇക്കണോമിക് ആൻഡ് ഇലക്ട്രോണിക് സെക്യൂരിറ്റി ജനറൽ ഡയറക്ടറേറ്റ് രക്ഷിതാക്കൾക്ക് മുന്നറിയിപ്പ് നൽകി.

കുട്ടികൾക്ക് എളുപ്പത്തിൽ ഊഹിച്ചെടുക്കാൻ സാധിക്കാത്തതും എന്നാൽ സുരക്ഷിതവുമായ പാസ്‌വേഡുകൾ തിരഞ്ഞെടുക്കാൻ അവരെ പരിശീലിപ്പിക്കേണ്ടതുണ്ടെന്ന് അധികൃതർ വ്യക്തമാക്കി. ഇത്തരത്തിലുള്ള രഹസ്യ കോഡുകൾ മറ്റുള്ളവരുമായി യാതൊരു കാരണവശാലും പങ്കുവെക്കരുതെന്ന് കുട്ടികളെ ബോധ്യപ്പെടുത്തണം. ഇത് അക്കൗണ്ടുകൾ ദുരുപയോഗം ചെയ്യപ്പെടാനുള്ള സാധ്യത വലിയ അളവിൽ ഒഴിവാക്കും.

ഡിജിറ്റൽ ലോകത്ത് കുട്ടികളുടെ സുരക്ഷ ഉറപ്പാക്കുന്നത് ഇത്തരം അടിസ്ഥാനപരമായ സുരക്ഷാ ശീലങ്ങളിലൂടെയാണ് ആരംഭിക്കുന്നത്. പാസ്‌വേഡുകളുടെ രഹസ്യസ്വഭാവം കാത്തുസൂക്ഷിക്കുന്നത് വഴി കുട്ടികൾക്ക് സുരക്ഷിതമായ ഒരു ഓൺലൈൻ അന്തരീക്ഷം സൃഷ്ടിക്കാനും ഡിജിറ്റൽ ഭീഷണികൾ കുറയ്ക്കാനും സാധിക്കുമെന്നും ബോധവൽക്കരണ സന്ദേശത്തിൽ വ്യക്തമാക്കുന്നു.