സെൻസിറ്റീവ് വിവരങ്ങൾ കൈകാര്യം ചെയ്യുന്നതിൽ വീഴ്ച വരുത്തിയെന്നാരോപിച്ച് ഓപ്പൺഎഐ (OpenAI) മൂന്ന് ജീവനക്കാരായ ഗവേഷകരെ പിരിച്ചുവിട്ടു. കമ്പനിയുടെ സുരക്ഷാ നടപടിക്രമങ്ങൾ ലംഘിക്കുകയും, നിർമിത ബുദ്ധി (AI) മോഡലുകളെ വിലയിരുത്തുന്ന ഒരു ബാഹ്യ സംഘടനയുമായി confidential വിവരങ്ങൾ പങ്കുവെക്കുകയും ചെയ്തതിനാണ് ഈ നടപടി.

പുറത്താക്കപ്പെട്ടവരുടെ പേരുകൾ കമ്പനി ഔദ്യോഗികമായി വെളിപ്പെടുത്തിയിട്ടില്ലെങ്കിലും, ഇവർ സുരക്ഷാ ഗവേഷണ വിഭാഗത്തിൽ (Safety Research Team) പ്രവർത്തിക്കുന്നവരാണെന്ന് വാൾസ്ട്രീറ്റ് ജേണൽ ഉൾപ്പെടെയുള്ള മാധ്യമങ്ങൾ റിപ്പോർട്ട് ചെയ്തു.

കമ്പനിയുടെ നയങ്ങളും വിശ്വാസ്യതയും ലംഘിച്ചുകൊണ്ടാണ് ഇവർ ബാഹ്യ സംഘടനയുമായി സഹകരിച്ച് പ്രവർത്തിച്ചതെന്ന് ആഭ്യന്തര അന്വേഷണത്തിൽ കണ്ടെത്തിയതായി ഓപ്പൺഎഐ വക്താവ് വ്യക്തമാക്കി. എ.ഐ സുരക്ഷയെക്കുറിച്ചുള്ള ആഗോള ചർച്ചകൾ കൂടുതൽ ശക്തമാകുന്നതിനിടെയാണ് ഈ നീക്കം.