ലോകത്തിലെ ഏറ്റവും ജനപ്രിയ ഇൻസ്റ്റന്റ് മെസേജിങ് പ്ലാറ്റ്‌ഫോമായ വാട്സ്ആപ്പ്, ഗ്രൂപ്പ് ചാറ്റുകൾ കൂടുതൽ കാര്യക്ഷമമാക്കാൻ ലക്ഷ്യമിട്ട് പുതിയ അപ്ഡേറ്റുകൾ പുറത്തിറക്കി. മെറ്റയുടെ ഉടമസ്ഥതയിലുള്ള വാട്സ്ആപ്പ്, മെംബർ ടാഗുകൾ, ടെക്സ്റ്റ് സ്റ്റിക്കറുകൾ, കസ്റ്റമൈസ്‌ഡ് ഇവന്റ് റിമൈൻഡറുകൾ എന്നീ ഫീച്ചറുകളാണ് പുതുതായി അവതരിപ്പിച്ചിരിക്കുന്നത്.

പ്രധാന ഫീച്ചറുകൾ

• മെംബർ ടാഗുകൾ: ഗ്രൂപ്പ് അംഗങ്ങൾക്ക് അവരുടെ റോൾ അല്ലെങ്കിൽ പ്രത്യേകത പേരിനൊപ്പം ചേർക്കാനുള്ള സൗകര്യമാണിത്. ഉദാഹരണത്തിന്, സ്പോർട്സ് ഗ്രൂപ്പുകളിൽ 'ക്യാപ്റ്റൻ' എന്നോ, സ്കൂൾ ഗ്രൂപ്പുകളിൽ ഓരോ കുട്ടിയുടെയും പേര് സഹിതമുള്ള ടാഗോ നൽകാം. വലിയ ഗ്രൂപ്പുകളിൽ ആളുകളെ എളുപ്പത്തിൽ തിരിച്ചറിയാൻ ഇത് സഹായിക്കും. ഈ ടാഗുകൾ ആ നിശ്ചിത ഗ്രൂപ്പിൽ മാത്രമായിരിക്കും ദൃശ്യമാകുക.
• ടെക്സ്റ്റ് സ്റ്റിക്കറുകൾ: ടൈപ്പ് ചെയ്യുന്ന വാക്കുകളെ നേരിട്ട് ആകർഷകമായ സ്റ്റിക്കറുകളാക്കി മാറ്റാൻ ഇനി സാധിക്കും. ചാറ്റുകൾ കൂടുതൽ രസകരമാക്കാൻ സഹായിക്കുന്ന ഈ സ്റ്റിക്കറുകൾ സേവ് ചെയ്ത് വെക്കാനും കഴിയും.
• ഇവന്റ് റിമൈൻഡറുകൾ: ഗ്രൂപ്പിൽ ക്രിയേറ്റ് ചെയ്യുന്ന ഇവന്റുകൾക്ക് ഇനി മുൻകൂട്ടി റിമൈൻഡറുകൾ സെറ്റ് ചെയ്യാം. മീറ്റിംഗുകളും മറ്റും കൃത്യസമയത്ത് ഓർമ്മിപ്പിക്കാൻ ഇത് ഉപകരിക്കും.

നേരത്തെ അവതരിപ്പിച്ച 2ജി.ബി വരെയുള്ള ഫയൽ ഷെയറിങ്, എച്ച്.ഡി മീഡിയ, സ്ക്രീൻ ഷെയറിങ് എന്നീ സൗകര്യങ്ങൾക്കൊപ്പം പുതിയ ഫീച്ചറുകൾ കൂടി എത്തുന്നതോടെ വാട്സ്ആപ്പ് ഗ്രൂപ്പ് അനുഭവങ്ങൾ കൂടുതൽ മെച്ചപ്പെടും. നിലവിൽ ഘട്ടംഘട്ടമായാണ് ഈ അപ്ഡേറ്റുകൾ ഉപയോക്താക്കളിലേക്ക് എത്തുന്ന