എൽഡിഎഫിന് ലോക്‌സഭാ തിരഞ്ഞെടുപ്പിൽ കണ്ണഞ്ചിപ്പിക്കുന്ന ജയമുണ്ടാകുമെന്ന് എ.കെ.ബാലൻ. എല്ലാ സീറ്റുകളും ഇന്ത്യാ സഖ്യത്തിന് ലഭിക്കും. കേരളത്തിൽ ബിജെപി മുന്നേറ്റമെന്നത് പച്ചനുണയാണ്. ബിജെപി ജയിച്ചാൽ അതിന്റെ ഉത്തരവാദിത്തം യുഡിഎഫിന് ആയിരിക്കുമെന്നും എ.കെ.ബാലൻ പറഞ്ഞു. 

'എക്‌സിറ്റ് പോൾ വിശ്വാസ്യയോഗ്യമല്ല. 2004ൽ എൻഡിഎ അധികാരത്തിൽ എത്തുമെന്ന് പറഞ്ഞു. എന്നാൽ യുപിഎ അധികാരത്തിൽ വന്നു. 2019ലെ മോദി തരംഗം ഇത്തവണ ഇല്ല. ഇത്തവണ മോദി വിരുദ്ധ വികാരമായിരിക്കും. വിഷലിപ്തമായ പ്രചാരണം ആണ് മോദി നടത്തിയത്. ഹിന്ദുത്വ അജണ്ട നടപ്പിലാക്കാൻ ശ്രമിച്ചു. ഈ ഘടകങ്ങളെല്ലാം നിലനിൽക്കെ ബിജെപിക്ക് അനുകൂലമായ എക്‌സിറ്റ് പോളുകൾ വിശ്വാസ്യ യോഗ്യമല്ല. കേരളത്തിൽ ബിജെപിക്ക് സീറ്റ് കിട്ടില്ല. വലിയ വിജയം എൽഡിഎഫിന് ഉണ്ടാകും' എ.കെ.ബാലൻ പറഞ്ഞു.

യുഡിഎഫിന്റെ ബലം ജമാഅത്തെ ഇസ്ലാമിയും എസ്ഡിപിഐയുമാണ്. ചില ഇടങ്ങളിൽ ബിജെപി വോട്ടും ലഭിക്കും. ഏറ്റവും വഴിവിട്ട രീതിയിലാണ് യുഡിഎഫ് ഇത്തവണ കൂട്ടുകെട്ട് ഉണ്ടാക്കിയത്. കേരളത്തിൽ ബിജെപി ജയിക്കുമെന്ന് പറയുന്ന മൂന്ന് സീറ്റിലും തോൽക്കുമെന്നും എ.കെ.ബാലൻ പറഞ്ഞു.