രാമനാട്ടുകരയിൽ ഇതരസംസ്ഥാനക്കാരിയായ 17കാരിയെ പീഡിപ്പിച്ച കേസിൽ പ്രതി പിടിയിലായി. മലപ്പുറം പൂക്കിപ്പറമ്പ് സ്വദേശി റിയാസ് ആണ് പിടിയിലായിരിക്കുന്നത്. ചെന്നൈയിൽ നിന്നാണ് ഫറോക്ക് പൊലീസ് ഇയാളെ പിടികൂടിയത്. ഫറോക്കിൽ ജോലി ചെയ്യുന്ന 17കാരിയെ തട്ടിക്കൊണ്ട് പോയി മദ്യം നൽകി പീഡിപ്പിച്ചു എന്നാണ് കേസ്. ഓ​ഗസ്റ്റ് 19നായിരുന്നു സംഭവം. ടെക്‌സ്‌റ്റൈൽസ് ജീവനക്കാരിയായ പെൺകുട്ടിയെ കടയിൽ നിന്ന് ഇറക്കി കൊണ്ടുപോയി പീഡിപ്പിക്കുകയായിരുന്നു. 

പിന്നീട് പെൺകുട്ടിയെ വീടിന് അരികിൽ ഇറക്കി വിടുകയായിരുന്നു. ബന്ധുക്കളുടെ പരാതിയിൽ ഫറോക്ക് പൊലീസാണ് പോക്‌സോ വകുപ്പ് പ്രകാരം കേസെടുത്തത്. ഒഡീഷയിലേക്ക് കടക്കാൻ ശ്രമിക്കുന്നതിനിടെയാണ് ഇയാൾ ചെന്നൈ റെയിൽവേ സ്റ്റേഷനിൽ നിന്ന് അറസ്റ്റിലായത്. 2019ൽ മറ്റൊരു യുവതിയെ പീഡിപ്പിച്ച കേസിൽ റിയാസ് പ്രതിയാണ്. ജോലി ചെയ്യുന്ന സ്ഥാപനത്തിലെ സഹപ്രവർത്തകയെ പീഡിപ്പിച്ചു എന്നായിരുന്നു പരാതി.