'അടൂര് സാറിന് ലാലേട്ടന് ഗുണ്ടയായിട്ട് തൊന്നുന്നുണ്ടാകും പക്ഷെ ഞങ്ങള്ക്ക് തോന്നുന്നില്ല'; ധര്മജന് ബോള്ഗാട്ടി
മോഹന്ലാലിന് ഗുണ്ട ഇമേജ് ഉള്ളതുകൊണ്ടാണ് തന്റെ സിനിമകളില് അഭിനയിപ്പിക്കാത്തത് എന്ന സംവിധായകന് അടൂര് ഗോപാലകൃഷ്ണന്റെ പ്രതികരണം വലിയ വിവാദമായിരുന്നു. ഇപ്പോള് അടൂര് ഗോപാലകൃഷ്ണനെതിരെ രംഗത്തെത്തിയിരിക്കുകയാണ് നടന് ധര്മജന് ബോള്ഗാട്ടി. മോഹന്ലാലിന്റെ നല്ല സിനിമകള് കണ്ടിട്ടില്ലാത്തത് കൊണ്ടാണ് അങ്ങനെ തോന്നുന്നത് എന്നാണ് ധര്മജന് ഫെയ്സ്ബുക്കില് കുറിച്ചത്. സാറിന്റെ പടത്തില് അഭിനയിപ്പിച്ചിട്ടില്ലെങ്കിലും കുഴപ്പമില്ല പക്ഷെ മോഹന്ലാല് എന്നും വലിയ നടനാണെന്നും മോശം വാക്കുകള് ഉപയോഗിക്കരുതെന്നും ധര്മജന് കുറിച്ചു.
ധര്മജന്റെ കുറിപ്പ് വായിക്കാം
അടൂര് സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ്
മോഹന്ലാല് എന്ന നടന് ഞങ്ങള്ക്ക് വലിയ ആളാണ് അടൂര് സാര് മോഹന്ലാലിന്റെ നല്ല സിനിമകള് കണ്ടിട്ടില്ലാത്തത് കൊണ്ടാണ്, മോഹന്ലാലിനെ ഗുണ്ടയായിട്ട് കാണുന്ന അടൂര് സാറിനോട് ഞങ്ങള്ക്ക് അഭിപ്രായമില്ല. സാര് മോഹന്ലാല് സാധാരണക്കാരനായിട്ട് അഭിനയിച്ച ഒരുപാട് സിനിമകളുണ്ട് ഏയ് ഓട്ടോ, ടി.പി ബാലഗോപാലന് എം.എ, വെള്ളാനകളുടെ നാട്, കിരീടം തുടങ്ങി ഒരുപാട് സിനിമകളുണ്ട് അടൂര് സാറിന് ലാലേട്ടന് ഗുണ്ടയായിട്ട് തൊന്നുന്നുണ്ടാകും പക്ഷെ ഞങ്ങള്ക്ക് തോന്നുന്നില്ല അടൂര് സാറിനോടുള്ള എല്ലാ ബഹുമാനവും വെച്ചിട്ട് പറയട്ടെ സാര് സാറിന്റെ പടത്തില് അഭിനയിപ്പിച്ചിട്ടില്ലെങ്കിലും കുഴപ്പമില്ല പക്ഷെ മോഹന്ലാല് എന്നും വലിയ നടനാണ് വലിയ മനുഷ്യനാണ്. സാര് സാറിന് പറ്റിയ ആളുകളെകൊണ്ട് അഭിനയിപ്പിച്ചോളൂ പക്ഷെ ലാലേട്ടന് നേരെ മോശം വാക്കുകള് ഉപയോഗിക്കരുത്.