ചുങ്കത്തറ പുലിമുണ്ടയിൽ  നായയെ ബൈക്കിന് പിറകിൽ കെട്ടി വലിച്ചിഴച്ചു. ഇന്നലെ രാത്രി 11.30 ഓടെയാണ് സംഭവമുണ്ടായത്. ജോലി കഴിഞ്ഞ് വരുന്ന വഴി  പുലിമുണ്ട സ്വദേശി അനൂപാണ് ഈ ക്രൂരത കണ്ടത്. 

ഇത് കണ്ടപ്പോൾ നായയെ കെട്ടിവലിച്ചയാളോട് വാഹനം നിർത്താൻ അനൂപ് ആവശ്യപ്പെട്ടെങ്കിലും  ഇയാൾ വാഹനം വേഗത്തിൽ ഓടിച്ചുപോയി. പിന്നീട് വാഹനത്തെ പിൻതുടർന്ന് ബൈക്ക് നിർത്തിയ ശേഷമാണ് ഈ ദൃശ്യങ്ങൾ പകർത്തിയത്. അതിനുമുമ്പ് വരെ ഈ നായയെ അതിക്രൂരമായാണ് ഇയാൾ നായയെ റോഡിലൂടെ വലിച്ചിഴച്ചത്.

കുറച്ചു സമയത്തിന് മുൻപാണ് ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചത്. പിന്നാലെ എടക്കര പൊലീസ് ഇയാളുടെ വിശദാംശങ്ങൾ ശേഖരിച്ചു.