കേരളത്തിൽ അഞ്ച് ദിവസങ്ങൾക്ക് ശേഷം ആദ്യമായി സ്വർണവില ഉയർന്നു. മെയ് മാസത്തെതന്നെ ആദ്യ വർദ്ധനവാണ് ഇന്നുണ്ടായത്. 160 രൂപയാണ് പവന് ഇന്ന് കൂടിയിരിക്കുന്നത്. 70,200 രൂപയാണ് ഒരു പവൻ സ്വർണത്തിന്റെ ഇന്നത്തെ വിപണി വില. ഈ മാസം ആരംഭിച്ചതോടെ വില തുടർച്ചയായി ഇടിഞ്ഞത് ഉപഭോക്താക്കൾക്ക് പ്രതീക്ഷ്ഷ നൽകിയിരുന്നു. 1720  രൂപയാണ് മെയ് ആരംഭിച്ചതോടെ പവന് കുറഞ്ഞത്. ഇതോടെ സ്വർണവില 70,000 ത്തിന് താഴേക്ക് എത്തുമോയെന്നുള്ള പ്രതീക്ഷ വർദ്ധിച്ചിരുന്നു. ഒരു ഗ്രാം 22 കാരറ്റ് സ്വർണത്തിന്റെ വിപണി വില 8775 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 7250 രൂപയാണ്. ഒരു ഗ്രാം സാധാരണ വെള്ളിയുടെ വില 106  രൂപയാണ്.